काठमाडौं, २२ वैशाख– अख्तियार दुरुपयोग अनुसन्धान आयोगले यातायात व्यवस्था कार्यालय कोशीका लेखापाल सुरेश अधिकारीविरुद्ध सवा ५ करोड रुपैयाँ अवैध आर्जन गरेको अभियोगमा सोमबार विशेष अदालतमा भ्रष्टाचार मुद्दा दायर गरेको छ ।
अधिकारीले २०५९/६/१६ देखि २०७५ वैशाख मसान्तसम्मको अवधिमा स्रोत नखुलेको ५ करोड १० लाख ३३ हजार रुपैयाँ आर्जन गरेको पुष्टि भएकाले उनीविरुद्ध मुद्दा दायर गरिएको अख्तियारले जनाएको छ ।
अख्तियारका अनुसार अधिकारीको अवैध सम्पत्ति राखेको अभियोगमा उनका नातेदार दुर्गा अधिकारी, दिपा श्रेष्ठ (अधिकारी), सुस्मिता अधिकारी, सोममाया श्रेष्ठ, पुष्प कुमारी निरौला र बलराम शर्मासमेतलाई प्रतिवादी बनाई मुद्दा दायर गरिएको छ ।
No comments:
Post a Comment