आयुर्वेद चिकित्सक यादवविरुद्ध मुद्दा दायर

काठमाडौं, ४ जेठ– अख्तियार दुरुपयोग अनुसन्धान आयोगले आयुर्वेद चिकित्सालय नरदेवीका निमित्त निर्देशक डा रामदेव यादवविरुद्ध शुक्रबार भ्रष्टाचार मुद्दा दायर गरेको छ । अख्तियारका अनुसार डा. यादवले आयुर्वेद स्वास्थ्य सहायक तेस्रो वर्षमा अध्ययनरत विद्यार्थीलाई प्रशिक्षणमा सहभागी गराउनका लागि ३७ हजार रुपैया“ घुस लिएको अभियोगमा उनीविरुद्ध विशेष अदालतमा मुद्दा दायर गरिएको हो । 

अभियोगपत्रमा अख्तियारले बिगो असुल गरी चार महिना कैद सजाय गर्नसमेत माग गरेको छ ।