काठमाडौं, २६ फागुन– उपप्रधान एवं गृह मन्त्री बामदेव गौतमले आफ्नो पार्टी नेकपा एमाले निकट मानिने तीन जिल्लाका प्रमुख जिल्ला अधिकारीलाई मन्त्रालयको महत्वपूर्ण महाशाखामा सरुवा गरेका छन् ।
गृह मन्त्रालयले आइतबारको मन्त्रीस्तरीय निर्णयबाट सहसचिव तहका प्रजिअहरू मकवानपुरका एकनारायण अर्याल, कास्कीका यादव कोइराला र धनकुटाका रामेश्वर दंगाललाई मन्त्रालयका महाशाखामा सरुवा गरिएको हो ।
अर्याललाई मन्त्रालयको प्रशासन महाशाखा, कोइरालालाई नीति, योजना तथा मानव अधिकार महाशाखा र दंगाललाई व्यवस्थापन महाशाखा प्रमुखको जिम्मेवारी दिइएको छ । ती महाशाखा केही समयदेखि रिक्त थिए । गौतमले आफ्नो मन्त्रालय आफ्ना विश्वासिला र पार्टी निकटलाई लिएर आफू खुसी चलाउन उनीहरूलाई प्रजिअबाट फर्काएर महत्वपूर्ण जिम्मेवारी दिइएको स्रोतले उल्लेख गरेको छ ।
गृह मन्त्रालयले आइतबारको मन्त्रीस्तरीय निर्णयबाट सहसचिव तहका प्रजिअहरू मकवानपुरका एकनारायण अर्याल, कास्कीका यादव कोइराला र धनकुटाका रामेश्वर दंगाललाई मन्त्रालयका महाशाखामा सरुवा गरिएको हो ।
अर्याललाई मन्त्रालयको प्रशासन महाशाखा, कोइरालालाई नीति, योजना तथा मानव अधिकार महाशाखा र दंगाललाई व्यवस्थापन महाशाखा प्रमुखको जिम्मेवारी दिइएको छ । ती महाशाखा केही समयदेखि रिक्त थिए । गौतमले आफ्नो मन्त्रालय आफ्ना विश्वासिला र पार्टी निकटलाई लिएर आफू खुसी चलाउन उनीहरूलाई प्रजिअबाट फर्काएर महत्वपूर्ण जिम्मेवारी दिइएको स्रोतले उल्लेख गरेको छ ।
No comments:
Post a Comment