काठमाडौं, १७ भदौ– पञ्चकन्या समूहले बाढीपीडितको सहयोगार्थ प्रधानमन्त्री दैवी प्रकोप उद्धार कोषमा २ लाख ५१ हजार रुपैया“ प्रदान गरेको छ । समूहका तर्फबाट प्रबन्ध निर्देशक प्रदीपकुमार श्रेष्ठले सोमबार सहयोग रकमको चेक प्रधानमन्त्री तथा मन्त्रिपरिषद कार्यालयका सचिव शान्तराज सुवेदीलाई हस्तान्तरण गरे ।
सुवेदीले बाढीबाट बिपतमा परेका जनताका लागि आर्थिक सहयोग गरेकामा पञ्चकन्या समूहप्रति आभार प्रकट गरेका थिए । उनका अनुसार प्रधानमन्त्री दैवी प्रकोप उद्धार कोषमा सोमबारसम्म ३१ करोड ७७ लाख सहयोग रकम जम्मा भएको र त्यसबाट १५ करोड रुपैया“ बाढीपीडितका लागि निकासा भइसकेको छ ।
No comments:
Post a Comment