कान्तिपुरकर्मी मियाँलाई सामुदायिक वन पत्रकारिता पुरस्कार

काठमाडौं, २६ असार– वन विभागले कान्तिपुर दैनिकका वरिष्ठ उपसम्पादक अब्दुल्लाह मियाँ र गोरखापत्र दैनिककी कोकिला भण्डारीलाई ‘सामुदायिक वन पत्रकारिता पुरस्कार’ प्रदान गर्ने घोषणा गरेको छ । विभागले वन र वातावरण विषयमा लामो समयदेखि पत्रकारिता गर्दै आएका मियाँ र भण्डारीलाई मंगलबार यस वर्षको सामुदायिक वन पत्रकारिता पुरस्कार प्रदान गर्ने घोषणा गरेको हो । 

आगामी साउन २५ मा सामुदायिक वन दिवसका दिन विभागले उक्त पुरस्कार प्रदान गर्ने छ । पुरस्कारको राशि जनही २५ हजार रुपैया“ छ । विभागले एक वर्षअगाडि देखि उक्त पुरस्कार प्रदान गर्न थालेको हो ।