काठमाडौं, २६ जेठ– अख्तियार दुरुपयोग अनुसन्धान आयोगले स्वास्थ्य मन्त्रालयमा बिनाप्रतिस्पर्धा हचुवाका भरमा गरिएको १ हजार ३ सय ४६ जनालाई करारमा नियुक्ति गर्ने निर्णय बदर गर्न सोमबार निर्देशन दिएको छ ।
अख्तियारले घर बनाउन मजदुर लिएजस्तो गरी बिना प्रतिस्पर्धा नर्स, अहेव, हेल्थ असिस्टेन्ट, प्रयोगशाला सहायक गरी १ हजार ३ सय ४६ जनालाई नियुक्ति गर्ने स्वास्थ्य मन्त्रालयको सचिवस्तरीय निणर््ँय गैरकानुनी भएको ठहर गर्दै नियुक्ति बदर गर्न निर्देशन दिएको हो ।
अख्तियारले सोमबार स्वास्थ्य मन्त्रालयलाई पत्र पठाएर नियुक्तिको निणर््ँय कार्यान्वयन नगर्न र नया“ ढंगबाट आवश्कताअनुसार विज्ञापन गरी प्रतिस्पर्धाबाट नियुक्ति गर्न निर्देशन दिएको छ ।
नियुक्तिका सम्बन्धित फाइलहरू मगाएर अनुसन्धान गर्दा प्रक्रिया पूरा नगरिएको र र हचुवाका भरमा नियुक्ति गर्ने गरी निणर््ँय भएको पाइएकाले कार्यान्वयन नगर्न मन्त्रालयललाई लेखी पठाइएको अख्तियारद्वारा जारी विज्ञप्तिमा उल्लेख छ । अनियमित तरिकाले गरिएको कारारको उक्त नियुक्तिबारे व्यवस्थापिका संसदको लेखा समितिले समेत अनुसन्धान थालेको छ ।
No comments:
Post a Comment