काठमाडौं, १२ असार– प्रेस युनियनले हालै सरकारद्वारा संसदसमक्ष प्रस्तुत अदालतको अपहेलनासम्बन्धी विधेयकका कतिपय प्रावधानले नागरिकको अभिव्यक्ति स्वतन्त्रतालाई कुण्ठित पार्ने टिप्पणी गर्दै त्यसको विरोध गरेको छ ।
युनियनले मंगलबार विज्ञप्ति जारी गरी प्रेस स्वतन्त्रतालाई संकुचित पार्ने कानुनले अदालतको गरिमा र जनविश्वास नबढ्ने उल्लेख गर्दै विधेयकलाई अविलम्ब फिर्ता लिन सरकारसित माग गरेको छ ।
युनियनले अभिव्यक्ति स्वतन्त्रता कुण्ठित नहुने गरी पुनः कानुन तर्जुमाको प्रक्रियामा अगाडि बढाउन सरकारलाई आग्रह गर्दै अभिव्यक्तिको स्वतन्त्रतालाई कुण्ठित पार्ने कदम फिर्ता नलिए विरोधमा उत्रने चेतावनीसमेत दिएको छ ।
No comments:
Post a Comment