काठमाडौं, २१ असार– सत्तारूढ नेकपाले दुई तिहाइको दम्भमा ससदीय सुनुवाइ समितिबाट बिना आधार प्रधानन्यायाधीशमा सिफारिस दीपकराज जोशीको नाम अस्वीकृत गरेको आरोप प्रमुख प्रतिपक्षी कांग्रेसले लगाएको छ ।
प्रतिनिधिसभाको सोमबारको बैठकमा बोल्दै कांग्रेस सांसदहरूले सुनुवाइ समितिको निर्णयका कारण स्वतन्त्र रहनुपर्ने न्यायपालिका कार्यपालिकाको लाचार छाया हुने खतरा बढेको दाबीसमेत गरे ।
‘दीपकराज जोशी प्रधानन्यायाधीशका लागि अयोग्य हुने हो भने उहा“को नाम सिफारिस गर्ने प्रधानमन्त्रीको हैसियत के हुने ?’ कांग्रेस सांसद ज्ञानेन्द्रबहादुर कार्कीले भने– बिनाप्रमाण आग्रह र पूर्वाग्रहका आधारमा सुनुवाइ समितिबाट गरिएको निर्णय गलत छ, यसलाई अवैध घोषणा गर्दछौं, निर्णय मान्दैनौं ।’
कांग्रेस सांसद पुष्पा भुसालले सुनुवाइ समितिको निर्णय लोकतन्त्रको रक्षक न्यायपालिकामाथिको ठाडो हस्तक्षेप भएको बताइन् ।
सत्तारूढ नेकपाका सांसद विरोध खतिवडाले कांग्रेसका सांसदहरूको भनाइको प्रतिवाद गर्दै प्रतिपक्षको भूमिका उच्छृङखलतातिर उन्मुख भएको आरोप लगाए । ‘लोकतन्त्रमा दुई तिहाइलाई एक तिहाइले नियन्त्रण गर्न मिल्छ कि मिल्दैन, यदि नियन्त्रण गर्न खोज्ने हो भने हामी त्यसलाई प्रतिवाद गर्न तयार छौं’ उनले भने । नेकपाकै अर्का सांसद हृदयेश त्रिपाठीले समितिको निर्णयलाई चुनौतीलाई दिने अधिकार कसैलाई पनि नभएको दाबी गरे ।
नेकपाकी पूर्णाकुमारी सुवेदीले विधिसम्मत प्रक्रिया पु¥याएर समितिबाट भएको निर्णयप्रति प्रश्न उठाउनुको औचित्य नभएको बताइन् ।
No comments:
Post a Comment