उपचुनाव तयारीमा जुट्न राप्रपाको निर्देशन

काठमाडौं, ४ कात्तिक– राष्ट्रिय प्रजातन्त्र पार्टीले मंसिर १४ गते हुने उपनिर्वाचनको तयारी अघि बढाउन सम्बन्धित जिल्ला र मातहतका पार्टी समितिलाई निर्देशन दिएको छ । कमल थापाको अध्यक्षतामा सोमबार बसेको केन्द्रीय पदाधिकारी तथा विभागीय प्रमुखहरूको संयुक्त बैठकले मातहतका पार्टी समितिलाई १५ दिनभित्र पूर्णता दिन र उपनिर्वाचनको तयारीमा जुट्न निर्देशन दिएको हो ।
मंसिर १४ मा प्रतिनिधिसभा, प्रदेशसभा र स्थानीय तहमा रिक्त ५२ पदका लागि उपनिर्वाचन हु“दै छ । बैठकले राष्ट्रिय स्वाभिमान यात्रा सम्पन्न हुन बा“की रहेका जिल्लामा तिहारलगत्तै यात्रा प्रारम्भ गर्ने निर्णयसमेत गरेको पार्टीले जनाएको छ ।