नक्कली सुन बेचेर ठगी गर्न खोज्ने छ जना पक्राउ

काठमाडौं, ३ कात्तिक– प्रहरीले नक्कली सुन बेचेर ठगी गर्न खोज्ने छ जनालाई आइतबार पक्राउ गरेको छ । पक्राउ परेकामा मंगले तामाङ, सुजन रसौली, विष्णुबहादुर राउत, नवराज राउत, रोशन बुढामगर र किरण लामा छन् ।
उनीहरूलाई कपनस्थित निलो पुल नजिकै एक किलो नक्कली सुन ५० लाख रुपैयाँमा बिक्री गर्ने क्रममा पक्राउ गरिएको जानकारी महानगरीय प्रहरी परिसर काठमाडौंले दिएको छ ।
उनीहरू सुनको मोलतोल गरिरहेको अवस्थामा पक्राउ परेका थिए । उनीहरूबाट एक किलो नक्कली सुन र छवटा मोबाइल बरामद गरिएकोसमेत प्रहरीले उल्लेख गरेको छ ।