चावहिलमा घर भत्कँदा एकको मृत्यु

काठमाडौं, ६ कात्तिक– राजधानीको चाबहिलको मूल सडक छेउको पुरानो घर भत्काउने क्रममा बुधबार एक जना कामदारको मृत्यु भएको छ । पुरानो घरलाई विस्तारै भत्काउने क्रममा एक्कासि भित्तो खसेर लाग्दा २६ वर्षीय दीपक तामाङ घाइते भएका थिए ।
चाबहिलस्थित दीर्घायु अस्पतालमा लगिएका तामाङको उपचारका क्रममा मृत्यु भएको जानकारी महानगरी प्रहरी वृत्त गौशालाले दिएको छ । उनी घर भत्काउने कामदार थिए । भित्तो खस्दा घाइते भएका अर्का कामदार रामबहादुर कु“वरको अवस्था भने सामान्य रहेको जानकारी वृत्तले दिएको छ ।