आठ आयोजनामा १२ अर्बभन्दा बढी लगानी
काठमाडौं, २८ मंसिर– स्वदेशी प्रवद्र्धकहरूले लगानी गरेका आठवटा आयोजनाको निर्माण सम्पन्न भई मुलुकमा आउ“दो चैत मसान्तभित्र थप ६५ मेगावाट बिजुली उत्पादन हुने भएको छ । यही चैत मसान्तभित्र विद्युत उत्पादन सुरु गर्ने प्रवद्र्धक कम्पनीलाई पोस्टेड रेट (बिजुलीको बढेको मूल्य प्रतियुनिट वर्षायाममा ४ रुपैया“ ८० पैसा र हिउ“दमा ८ रुपैया“ २० पैसा) पाउने भएकाले धमाधम आयोजना सम्पन्न हुन लागेका हुन् ।
हाल ४३ वटा आयोजनाबाट ७ सय १८ मेगावाट विद्युत उत्पादन भइरहेको छ ।
यी आयोजना सम्पन्न भएपछि मुलुकमा जलस्रोतबाट ७ सय ८३ मेगावाट विद्युत उत्पादन पुग्नेछ । विद्युत् प्राधिकरण या उसमातहतको कम्पनीमार्फत् ९ वटा परियोजना निर्माणाधीन भए पनि यस वर्ष कुनै पनि आयोजनाबाट विद्युत उत्पादन सुरु हुने छैन ।
ती आयोजनामा १२ अर्ब रुपैया“भन्दा बढी लगानी भएको जानकारी स्वतन्त्र ऊर्जा उत्पादक संघका अधिकारीले दिएका छन् । मुलुकमा वर्षेनि विद्युत् माग झन्डै ७० मेगावाटले बढिरहेको छ । चैत मसान्तभित्र उत्पादन सुरु गरिसक्ने यी आयोजनाले हिउ“दमा नभए पनि वर्षायाममा भने एक वर्षमा बढ्ने विद्युतको मागलाई धेरै हदसम्म भरथेग गर्नेछ । यी आयोजनाबाट उत्पादित बिजुलीका कारण आउ“दो वर्ष वर्षायाममा अघिल्लो वर्षको तुलनामा लोडसेडिङ बढ्ने छैन ।
यसै वर्षभित्र विद्युत् उत्पादन सुरु गर्नेमा इलाम जिल्लास्थित २२ मेगावाटको सानिमा माई हाइड्रो सबभन्दा ठूलो आयोजना हो । यस आयोजनामा गैर आवासीय नेपालीहरूको सानिमा ग्रुपले ३ अर्ब ११ करोड रुपैया“ लगानी गरेको जानकारी आयोजना प्रमुख सुवर्णदास श्रेष्ठले दिए ।
उक्त आयोजनाले विद्युत् उत्पादन सुरु गरिसकेको छ, तर प्रसारण लाइन निर्माण नभइसकेका कारण उक्त आयोजनाको बिजुली केन्द्रीय प्रसारण लाइनमा जोडेर वितरण हुन पाएको छैन । उक्त आयोजनालाई केन्द्रीय प्रसारण लाइनमा जोड्ने काबेली कोरिडोर निर्माण हुन अझै दुई महिना लाग्नेछ ।
उक्त आयोजनाको बिजुली तत्काललाई इलामको गोदकबाट ३३ केभीको प्रसारण लाइन हु“दै पुवा खोला आयोजनाको सबस्टेसनमार्फत् केन्द्रीय प्रसारण लाइनमा जोड्ने काम भइरहेको छ । यो दोस्रो विकल्पबाट सानिमा माईबाट उत्पादित बिजुली दुई साताभित्रै केन्द्रीय प्रसारण लाइनमा जोडिनेछ ।
यसै वर्ष विद्युत् उत्पादन सुरु गर्ने अर्को आयोजना हो– ताप्लेजुङ जिल्लास्थित १० मेगावाटको अपर हेवा । यसमा पूर्व सांसद वसन्त नेम्वाङलगायतको लगानी रहेको छ । पञ्चकन्या ग्रुपको लगानी रहेको १० मेगावाटको अपर माई आयोजनाको समेत यसै वर्षभित्र निर्माण सम्पन्न भई बिजुली केन्द्रीय प्रसारण लाइनमा जोडिने जानकारी स्रोतले दिएको छ ।
यसै वर्ष निर्माण सम्पन्न भई बिजुली उत्पादन सुरु गर्नेमा ५ मेगावाटको अपर हुग्दी, ५ मेगावाटकै रुरु हाइड्रो, ३ मेगावाटको अपर पुवा, २.५ मेगावाटको बोजिनी जिरी छन् । बुटवल पावर कम्पनीले यसै वर्ष आ“धी खोला जलविद्युत् आयोजनाको उत्पादन क्षमता बढाई ९.४ मेगावाट पु¥याउ“दैछ । यसअघि उक्त आयोजनाबाट ५.१ मेगावाट बिजुली उत्पादन हु“दै आएको थियो । यी आयोजनामध्ये अपर पुवाले निर्माण सम्पन्न गरी परिक्षण उत्पादन सुरु गरिसकेको छ । एक÷दुई साताभित्रै उक्त आयोजनाले व्यावसायिक उत्पादन सुरु गर्ने भएको छ ।
No comments:
Post a Comment