योजना आयोगका सदस्य झा पदमुक्त

काठमाडौं, २ कात्तिक- सरकारले राष्ट्रिय योजना आयोगका सदस्य सुवोधनारायण झालाई पदमुक्त गरेको छ । तत्कालीन प्रधानमन्त्री माधवकुमार नेपाल नेतृत्वको पालामा सदस्य नियुक्त झालाई मन्त्रिपरिषदको बैठकले पदमुक्त गरेको जानकारी स्रोतले दिए । सदस्य नियुक्त भएको सवा दुई वर्षमा दुईपटक सरकार परिवर्तन हुँदा उपाध्यक्षसहित आयोगका अरु सबैले राजिनामा दिए पनि उनी नदिईकन पदमा बसिरहेका थिए ।
निवर्तमान प्रधानमन्त्री झलनाथ खनालका पालामा झा उपेन्द्र यादव नेतृत्वको मधेशी जनअधिकार फोरमतिर लागेका कारण उपप्रधानमन्त्री विजयकुमार गच्छदार नेतृत्वको मधेशी जनअधिकार फोरम लोकतान्त्रिक को प्रस्तावमा उनलाई हटाइएको जानकारी स्रोतले दिए ।