काली गण्डकीमा ९ करोड युनिट बिजुली खेर फालियो

काठमाडौं, १० फागुन– मुलुकले चरम लोडसेडिङको समस्या भोगिरहेका बेला विद्युत् प्राधिकरणका केही अधिकारीको गैरजिम्मेवारी र लापर्वाहीका कारण १४४ मेगावाटको काली गण्डकी आयोजनाबाट करोडौं मूल्यबराबरको विद्युत् उत्पादन गर्ने पानी खेर फालिएको जानकारी स्रोतले दिएको छ ।
हिउ“दे वर्षाको दोस्रो दिन आइतबार काली गण्डकीको भरिभराउ भएको जलाशयबाट विद्युत् उत्पादन नगरी बेलुका पा“चदेखि राति साढे १० बजेसम्म ड्यामको एउटा गेट खोलेर पानी खेर फालिएको जानकारी आयोजनाका एक कर्मचारीले जानकारी दिए ।
काली गण्डकीबाट उत्पादित बिजुली केन्द्रीय प्रसारण लाइनमा जोड्ने १३२ केभी क्षमताका तीनवटै ब्रेकर बिग्रिएपछि विद्युत् उत्पादन बन्द गर्न नपाएपछि उक्त आयोजनाको जलाशयबाट पानी ओफरफ्लो हुन थालेको पानी पा“च घन्टासम्म एउटा गेट खोलेर फालिएको हो हो । काली गण्डकीको बिजुली तीनवटा ब्रेकरमध्ये दुइटाबाट बुटवल र एउटाबाट पोखरा लगिने १३२ केभीको केन्द्रीय प्रसारण लाइनमार्फत् देशभर वितरण गरिन्छ ।
प्राधिकरणका एक अधिकारीका अनुसार काली गण्डकीबाट जति परिमाणमा पानी खेर फालियो, त्यसबाट ९ लाख युनिटभन्दा बढी बिजुली उत्पादन हुन्थ्यो । त्यति बिजुलीबाट मुलुकमा आइतबार र शनिबार चार घन्टा लोडसेडिङ घट्थ्यो । उक्त लापर्वाहीका कारण प्राधिकरणलाई साढे पा“च घन्टामै एक करोड रुपैया“ भन्दा बढी घाटा भएको छ ।
हिउ“दे वर्षाबाट नदीमा पानीको सतह बढे पनि शनिबार भार प्रेषण केन्द्रका अधिकारीले बढी बिजुली उत्पादन गर्न नदिएको र साइटमा मर्मत गर्ने इन्जिनियर नभएका कारण ठूलोमात्रामा पानी खेर फाल्नुपरेको जानकारी आयोजनाका एक कर्मचारीले दिए ।
इलेक्ट्रिकल इन्जिनियरद्वय रामदुलाल यादव र गोकुल पुडासैनी साइटमा नभएका कारण ब्रेकर समयमै मर्मत हुन नसकेकाले विद्युत् उत्पादन गर्न नपाएका कारण भारी हिउ“दे वर्षाले जलाशयबाट पानी ओभरफ्लो हुन थालेपछि ड्यामको एउटा गेट साढे पा“च घन्टासम्म खोलेर पानी फालिएको जानकारी दिए ।
ती कर्मचारीका अनुसार हिउ“दे वर्षाको पहिलो दिन शनिबार नदीमा पानीको बहाव बढेको यथार्थलाई बेवास्ता गरी प्राधिकरणको भार प्रेषण केन्द्रले आयोजनालाई विद्युत् उत्पादन बढाउन भन्नुपर्नेमा अघिल्लो दिनको बराबरमात्र उत्पादन गर भनेपछि जलाशय भरिन पुगेको हो । अघिल्लो दिन नै बढी विद्युत् उत्पादन गरिएको भए पानी खेर फाल्नुपर्ने स्थिति आउ“दैनथ्यो ।
अघिल्लो दिन नै भरिइसकेको जलाशयमा दोस्रो दिन आइतबार पनि वर्षा भएपछि पानी ओभरफ्लो भएर बाहिर जान थालेपछि ब्रेकर नबनेसम्मका लागि ड्यामका तीन गेटमध्ये एउटा गेट खोलेर सा“ढे पा“च घन्टा पानी फालिएको हो । साढे पा“च घन्टापछिमात्र इलेक्ट्रिकल इन्जिनियर आएर ब्रेकर मर्मत गरेपछिमात्र विद्युत् उत्पादन सुरु भएको जानकारी ती कर्मचारीले दिए ।
प्राधिकरणलाई यति ठूलो क्षति हुनुमा नदीमा पानी बढे पनि शनिबार बिजुलीको उत्पादन बढाउन नभन्ने भार प्रेषण केन्द्र प्रमुख भुवन क्षेत्री र साइटमा इन्जिनियर भए÷नभएको अनुगमन गर्नुपर्ने ठूला विद्युत् आयोजना सञ्चालन तथा सम्भार विभाग प्रमुख हितेन्द्रदेव शाक्य जिम्मेवार रहेको ती कर्मचारी बताउ“छन् । काली गण्डकीमा ९ लाख युनिट बिजुली उत्पादन गर्ने पानी खेर फालिएकोबारेमा फोनमा प्रतिक्रिया लिन खोज्दा प्राधिकरणका प्रवक्ता शेरसिंह भाटसित सम्पर्क हुन सकेन ।