काठमाडौं, १९ माघ– राष्ट्रिय मधेस समाजवादी पार्टी (रामसपा) की प्रमुख सल्लाहकार एवं सभासद निर्जला राउतले आफ्नो ‘ग्रिनकार्ड’ नेपालस्थित अमेरिकी दुतावासमा फिर्ता गरेकी छन् ।
अमेरिकाको ‘ग्रिनकार्ड’ लिइसकेकी राउत सभासद भएको भन्दै पार्टीभित्र र बाहिर विवाद भएपछि उनले दुतावासमा आफैं गएर फिर्ता गरेको जानकारी स्रोतले दियो ।
ग्रिनकार्ड अमेरिकामा स्थायी बसोबास गर्न दिइने अनुमतिपत्रका अतिरिक्त त्यहा“को नागरिकता पाउने प्रक्रिया हो । उनी भारतीय मूलका अमेरिकी नागरिक क्रिस क्रिस्ननकी पत्नी हुन् । क्रिस अमेरिकामै बस्छन् ।
रामसपाले ‘ग्रिनकार्ड होल्डर’ राउतलाई संविधान निर्माण गर्ने संविधानसभाकै सदस्य बनाएको र अमेरिकी नागरिक हुने क्रममा रहेको व्यक्ति कसरी नेपालप्रति बफादार हुन सक्छन् भन्ने राजनीतिक तथा नैतिक प्रश्न उठ्ने समाचार कान्तिपुरमा प्रकाशित भएपछि उनी विवादमा तानिएकी थिइन् ।
राउतले पहिला पतिसहित आङ्खना छोराछोरी सबै अमेरिकी नागरिक र ग्रिनकार्ड होल्डर भए पनि परिवारमा आफूमात्र नभएको दाबी गर्दै लुकाउन खोजेकी थिइन् ।
पार्टी नेताहरूको आग्रहमा उनले संविधानसभाको सदस्यका रूपमा सपथ लिनु दुई दिनअघि आफ्नो ग्रिनकार्ड दुतावासमा लगेर फिर्ता गरेकी हुन् ।
रामसपा अध्यक्ष शरतसिंह भण्डारीले राउतले ग्रिनकार्ड फिर्ता गरेको स्वीकार गरे । ‘सपथ लिनुअघि नै उहा“ले आफ्नो ग्रिनकार्ड फिर्ता गरिसक्नुभएको छ’ उनले भने ।
अमेरिकी दुतावासले ग्रिनकार्ड आफ्नो देशमा पठाएपछि कानुनतः उनको अमेरिकी नागरिकता लिने प्रक्रिया रद्द हुने जानकारीसमेत स्रोतले दिएको छ ।
ग्रिनकार्ड लिएकी राउतलाई अध्यक्ष भण्डारीले समानुपातिकतर्फबाट सभासद बनाएपछि पार्टी पदाधिकारीले विरोध गर्दै उनको नाम सूचीबाट हटाउन तीव्र दबाब दिएका थिए । तर भण्डारीले उल्टै विरोध गर्नेहरूलाई जिम्मेवारीबाट हटाउ“दै केन्द्रीस समिति नै भंग गरेका थिए । महासचिव रामेश्वर साहले भने भण्डारीले सभासद बिक्री गरेको आरोप लगाउ“दै पार्टीबाटै राजिनामा दिएका थिए ।
राउत र उनका पतिको नाममा नेपालमा विदेशी लगानीको अम्बेश्वर इन्जिनियरिङ नामक उर्जा कम्पनी छ । उक्त कम्पनीले काली गण्डकी कोभान जलविद्युत आयोजनाको लाइसेन्स लिएर सम्भाव्यता अध्ययनको काम अगाडि बढाइरहेको छ ।
No comments:
Post a Comment