अख्तियारद्वारा मालपोत र नापीका प्रमुखसहित पा“च जनामाथि मुद्दा दायर

काठमाडौं, २३ भदौ– अख्तियार दुरुपयोग अनुसन्धान आयोगले सिन्धुपाल्चोक जिल्लाका तत्कालीन मालपोत र नापी कार्यालयका प्रमुखसहित पा“च कर्मचारीमाथि भ्रष्टाचारको अभियोगमा आइतबार विशेÈ अदालतमा मुद्दा दायर गरेको छ ।
भोटसिपा गाविसमा रहेको करिब ३० रोपनी सार्वजनिक जग्गा व्यक्तिका नाममा दर्ता गराई भ्रष्टाचार गरेको अभियोगमा उनीहरूमाथि मुद्दा दायर गरिएको जानकारी अख्तियारका अधिकारीले दिएका छन् ।
भ्रष्टाचार गरेको अभियोगमा मुद्दा दायर गरिएका कर्मचारीमा सिन्धुपाल्चोक मालपोत कार्यालयका तत्कालीन प्रमुख अधिकृत पुरुÈोत्तमभक्त खरेल र जिल्ला नापी कार्यालयका तत्कालीन प्रमुख जीतबहादुर अछामी रहेका छन् ।
हाल डिल्लीबजार मालपोत कार्यालयमा कार्यरत नायव सुब्बा भगिरथ सिग्देल र चावहिल मालपोत कार्यालयमा कार्यरत खरिदार ओममान श्रेष्ठ र सिन्धुपाल्चोक भोटसिपा गाविसका सचिवविरुद्ध अख्तियारले मुद्दामा दायर गरिएको छ ।
उनीहरूमाथि डेढ वर्षसम्मको कैद सजाय, बिगोबराबरको हर्जाना र जरिवाना गर्न मुद्दामा माग दाबी गरिएको छ । मुद्दा दायर भएपछि ती कर्मचारी स्वतः निलम्बित भएका छन् ।