काठमाडौं, २६ कात्तिक– विशेष अदालतले अख्तियारद्वारा भ्रष्टाचारको मुद्दा दायर गरिएका पोखरा विश्वविद्यालयका उपकुलपति प्राध्यापक खगेन्द्रप्रसाद भट्टराईसहित २३ जनालाई मंगलबार बिना धरौटी साधारण तारेखमा रिहा गरेको छ ।
अख्तियारले भट्टराईसहितका पदाधिकारीले सवा २ करोड रुपैया“ हिनामिना गरेको दाबी गर्दै उनीहरूलाई बिगोबमोजिम हर्जाना र जरिवाना तिराउन तथा तेह्र वर्षसम्म जेल सजाय गर्न माग गर्दै अदालतमा भ्रष्टाचारको मुद्दा दायर गरेको थियो ।
विश्वविद्यालयका पदाधिकारीहरूलाई पुर्पक्षका लागि थुनामा राख्ने या नराख्ने विषयमा मंगलबार भएको बहस सकिएपछि विशेष अदालतको इजलाशले उनीहरूलाई बिना धरौटी साधारण तारेखमा रिहा गर्ने आदेश दिएको हो ।
अख्तियारले लगाएको अभियोगमा ठोस प्रमाण नदेखिएकाले पछि भ्रष्टाचार भएको भेटिएमा ठहरेबमोजिम हुने गरी हाललाई उनीहरूलाई बिना धरौटी साधारण तारेखमा छाड्ने आदेश भएको जानकारी अदालत स्रोतले दिएको छ ।
विश्वविद्ययालयका पदाधिकारीले कलेजको सम्बन्धन, चन्दा वितरण्ँ, कर्मचारीलाई आर्थिक सुविधा, परामर्श सेवाको भुक्तानी, भवन निर्माण्ँ र सामान खरिदमा भ्रष्टाचार गरेको अभियोगमा अख्तियारले उनीहरूविरुद्ध मुद्दा दायर गरेको थियो ।
No comments:
Post a Comment