काठमाडौं, २३ कात्तिक– प्रधानमन्त्री सुशील कोइरालाले मुगुका असिनाबाट अन्न तथा तरकारी बाली नष्ट भई पीडित हुन पुगेका किसानलाई उचित राहत दिन अर्थमन्त्री रामशरण महतलाई निर्देशन दिएका छन् ।
मुगु कांग्रेसका नेता खड्गबहादुर शाहीको नेतृृत्वमा आएको मुगको सर्वदलीय प्रमण्डलको माग सुनेपछि कोइरालाले अर्थमन्त्री महतलाई तत्कालै फोन गरी पीडित किसानलाई राहत दिन निर्देशन दिएको जानकारी प्रधानमन्त्री कार्यालय स्रोतले दिएको छ ।
प्रमण्डलले गत कात्तिक ८ मा परेको असिनापानीले मुगुका श्रीकोट, सेरी, गम्था, कोटडा“डा, कार्कीडा“डा, श्रीनगर खमाले गाविसमा पाकिसकेको धान, कोदो, मकै तथा भटमास र सिमीलगायतका तरकारी बाली गरी झन्डै १३ करोड ५० लाख ६५ हजार बराबर रुपैया“को क्षति भएको जानकारी प्रधानमन्त्रीलाई गराएका थिए ।
प्रमण्डलले खत्याड भेगका चार गाविसलाई पायक पर्ने श्रीकोट खाद्य डिपोलाई पुनःस्थापना गरी सञ्चालनमा ल्याउन, खाद्यान्न हेलिकोप्टरमा ढुवानी गर्ने व्यवस्था मिलाउन, ढुवानीमा अनुदान दिन र अति प्रभावित क्षेत्रलाई क्षतिग्रस्त क्षेत्र घोषणा गर्नसमेत सरकारसित माग राखेको छ ।
No comments:
Post a Comment