प्रधानमन्त्रीद्वारा आफ्नाविरुद्धमा गोयबल्स शैलीमा झूटो प्रचार भइरहेको दाबी

आफ्ना गल्ती, कमीकमजोरी र यथार्थ घटाउन लुकाउन प्रधानमन्त्रीले लिए प्रेस नोटको सहारा
काठमाडौं, २५ फागुन– प्रधानमन्त्री बाबुराम भट्टराईले आफूले गरेका गल्ती, कमीकजोरी र यथार्थ घटनालाई लुकाउन आफूलाई बद्नाम गराउन गोयबल्स शैलीमा कु–प्रचार भइरहेको दाबी गरेका छन् । उनले आफ्ना सहयोगी विश्वदीप पाण्डेमार्फत् शुक्रबार प्रेस नोट जारी गरी आफ्नाविरुद्धमा १२ वटा कुप्रचार भइरहेको दाबी गरेका छन् ।
प्रधानमन्त्रीले दुवै छिमेकी देशको तीव्र आर्थिक विकासको गतिस“ग नेपालको पनि विकास गतिको कदम मिलाउन नसक्ने हो भने छिमेकको विकासको बाढीले हाम्रो मुलुकको अर्थतन्त्र ‘सबमर्ज’ हुन सक्ने भन्ने आफ्नो भनाइलाई बंग्याएर ‘मर्ज’ हुन्छ भनेर निरन्तर कु–प्रचार गरिएको दाबी गरेका छन् ।
तेह्र महिनाअघि पत्रकारहरूसितको भेटमा प्रधानमन्त्रीले स्थितिमा सुधार नआए मुलुक भारत या चीनसित मर्ज हुन सक्ने बताएका थिए । आफूले बोलेको यथार्थपरक समाचार प्रकाशित भएको तेह्र महिनापछि आएर प्रधानमन्त्रीले देश होइन दुवै छिमेकी मुलुकको गतिमा आर्थिक विकास हुन नसके छिमेकको विकासको बाढीले हाम्रो देशको अर्थतन्त्र सबमर्ज हुन सक्छ भनेको दाबी गरेका हुन् ।
पाण्डेले देशको ‘सा“चो अन्तै रहेछ’ भन्ने कपोकल्पित भनाइ आविस्कार गरी भट्टराईको देशभक्तिमाथि प्रश्न उठाउन खोजिएको दाबी गर्दै प्रेस नोटमा भनेका छन्– ‘जबकि प्रधानमन्त्रीले त्यसो भनेको भन्ने आजसम्म कुनै तथ्यप्रमाण्ँ कसैले पेश गर्न सकेको छैन ।’ प्रधानमन्त्रीले चाबी अन्तै रहेछ भनेका विषयमा उनको पार्टीभित्र र बाहिर त्यतिबिधि प्रचार हु“दा पनि त्यसको सत्यतथ्य प्रमाण कसैले पेस गर्न नसकेको दाबी प्रेस नोटमा गरिएको छ ।
गत साउन २० मा भट्टराईले केही पत्रकारहरूसितको भेटमा प्रधानमन्त्री भट्टराईले शान्ति प्रक्रिया, संविधान निर्माण्ँ, संघीयता, बाह्य सम्बन्ध र प्रशासनिक नियुक्तिसम्ममा बाह्य हस्तÔेप बढेको स्वीकार गर्दै मुलुकको चाबी अन्तै रहेको बताएका थिए ।
‘चाबी अन्यत्रै रहेछ’ छिमेकी र अन्तर्राष्ट्रिय शक्तिको हस्तÔेप बढेको सन्दर्भलाई थप प्रस्ट पार्दै भट्टराईले बालुवाटारमा केही पत्रकारस“ग भनेका थिए– ‘तर त्यसो भनेर हिम्मत हार्नुभएन, काम गर्न छाड्नुभएन ।’ भट्टराईको भनाइ समाचारका रूपमा छापिएकै दिन माओवादी नेता एवं विदेश विभाग प्रमुख कृष्णबहादुर महराले कान्तिपुरसितको अन्तर्वार्तामा राष्ट्रियताको विÈयमा प्रधानमन्त्रीदेखि मुख्य ठाउ“मा बस्ने मान्छेहरू चुकेको उल्लेख गरेका थिए । 
प्रधानमन्त्रीले त्रिभुवन विमानस्थलको स्तरोन्नति र सुदृढीकरण्ँ गर्ने योजनालाई विमानस्थल भारतलाई बुझाउन खोजेको भन्दै कपोकल्पित प्रचार गरिएको दाबी गर्दै  स्तर वृद्धिका लागि कुनै विदेशी कम्पनीको लगानी भित्रयाउनु र एयरपोर्ट नै जिम्मा लगाउनु नितान्त फरक कुरा हुन् भन्ने जान्दाजान्दै गोयबल्स शैलीमा तथ्य लुकाउन र भ्रम छर्न खोजिएको दाबी गरेका छन् ।
प्रधानमन्त्री भट्टराईले भारत भ्रमणका क्रममा भारतीय कम्पनी आईएल एन्ड एफएस नामक कम्पनीलाई त्रिभुवन विमानस्थलको स्तरोन्नति र व्यवस्थापनको जिम्मेवारी दिने समझदारी गरेका थिए । विदेशी कम्पनीलाई व्यवस्थापनको जिम्मा दिनु भनेको एअरपोर्ट नै जिम्मा लगाउनु हो । प्रधानमन्त्रीले उक्त समझदारीको अपब्याख्या गर्दै आफू देशभक्त भएको प्रमाणित गर्न खोजेका छन् ।
उनले यमी फाउण्डेसनलाई तीन करोड सरकारले दिएको भन्दै मित्थ्या प्रचार गरिएको उल्लेख गर्दै यमी फाउण्डेसन भन्ने संस्था नै नरहेको र मन्त्रिपरिÈद्ले त्यस्तो नाम गरेको फाउण्डेसनलाई एक पैसा पनि नदिएको बताएका छन् । कान्तिपुरमा यमी फाउन्डेसनलाई तीन करोड दिएको भनेर कुनै समाचार छापिएको छैन ।
प्रधानमन्त्री पत्नी हिसिला यमीको अगुवाइमा बालाजुको २२ धारा उद्यान मासियो भनेर प्रचार गरिएको उल्लेख गर्दै प्रेस नोटमा त्यहा“ विधिसम्मत ढंगले र स्थानीय बासिन्दा सबैको सहमतिमा यो सरकार बन्नुभन्दा अघि नै वैकल्पिक बाटो खोलिएको दाबी गरिएको छ ।
यमीको निर्वाचन क्षेत्रमा पर्ने बालाजु बाइपासमा रहेको अतिक्रमण गरी बनाइएका घरलाई बचाउन उद्यानबाट प्रधानमन्त्री पत्नीकै दबाबमा काठमाडौं महानगरका कार्यकारी अधिकार केदारबाबु अधिकारी आफैं गएर डोजरले खनेर बस्ती पछाडिबाट सडक खोलेका छन् । यमीको निर्वाचन क्षेत्रका मतदाताको घर बचाउन उद्यान मासेर बाटो खोलिएको भए पनि प्रधानमन्त्रीले आफ्नो सरकार बन्नुअघि नै वैकल्पिक बाटो खुलिसकेको झूटो दाबी गरेका छन् ।
प्रधानमन्त्रीले आफूले नातेदारहरूलाई विभिन्न पदमा नियुक्ति गरेको भनेर झूटो प्रचार गरिएको उल्लेख गर्दै केयूकेएलमा आफ्नी जेठी सासु तिमीला यमीलाई नियुक्ति दिएको भन्ने झूटो प्रचार भएको दाबी गरेका छन् । प्रेस नोटमा यमी ५ वर्È पहिला नै केयूकेएलमा भएको र वरिष्ठताका आधारमा साधारण्ँसभा गर्ने प्रयोजनका लागि केयूकेएलले नै उनंलाई कार्यवाहक प्रमुख बनाएको दाबी गरिएको छ ।
केयुकेएलमा विधिवत् निर्वाचित अध्यक्षमा प्रयागराज जोशी थिए । प्रधानमन्त्री पत्नीले स्थानीय विकासमन्त्री नारायणकाजी श्रेष्ठलाई केयुकेएलमा रहेका काठमाडौं, ललितपुर, भक्तपुरलगायतका नगरपालिका र सहरी विकास मन्त्रालयका प्रतिनिधि जबर्जस्ती फेर्न लगाएर जोशीलाई हटाई यमीलाई नियुक्ति गरिएको हो । तर, प्रधानमन्त्रीले यो यथार्थप्रति आ“खा चिम्लिएर वरिष्ठताका आधारमा यमी अध्यक्ष नियुक्त भएको झूटो दाबी गरेका हुन् ।
प्रेस नोटमा सहमतिको प्रधानमन्त्रीका लागि कांग्रेस सभापति सुशील कोइरालालाई माओवादी अध्यक्ष पुष्पकमल दाहाल प्रचण्डले माने पनि भट्टराईले स्वीकार नगरी सरकार लम्ब्याउन खोजेको भन्ने झूटो प्रचार गरिएको दाबी गरिएको छ । ‘जब कि त्यस्तो कुनै सहमति नै भएको थिएन र त्यो दुष्प्रचारको हावा आफैं फुस्कियो’ प्रेस नोटमा छ ।
चार प्रमुख दलको बैठकमा दाहालले भट्टराईकै सामुन्नमा गरेको आग्रहका आधारमा कांग्रेसले कोइरालालाई सहमतिको प्रधानमन्त्रीको उम्मेदवारका रूपमा अघि सारेको र त्यसमा ती शक्तिबीच सहमति भएको थियो । दाहालले नै कोइरालालाई प्रधानमन्त्री बनाउनेबारेमा सहमति भएको र भट्टराईले नमानेकाले सहमति बिग्रिएको सार्वजनिक रूपमा बताएका थिए ।
प्रधानमन्त्रीले गत जेठमा संविधानसभा बचाउन म्याद थप्न खोज्दा अदालतको अपहेलनाको मुद्दा खेप्नुपरेको उल्लेख गर्दै संविधानसभा बचाउन खोज्नेलाई नै उल्टो संविधानसभा भंग गराएको भन्दै धुंवा“धार प्रचार गरिएको दाबी गरेका छन् । कांग्रेसका वरिष्ठ नेता शेरबहादुर देउवासहितले संकटकाल घोषणा गरेर भए पनि संविधानसभाको म्याद बढाउन आग्रह गर्दा नमानी संविधानसभा विघटन हुन नदिएर नया“ संविधानसभाका लागि मंसिर ७ मा आफूले नै चुनाव घोषणा गरेको यथार्थलाई प्रधानमन्त्रीले प्रेस नोटमा लुकाउने प्रयास गरेका छन् ।
प्रधानमन्त्रीले माथिल्लो त्रिशुली–३ ए जलविद्युत आयोजनाको Ôमता बढाएर कमिसान खान खोजेको भनेर आफूमाथि दुष्प्रचार गरिएको दाबी गर्दै Ôमता बढाउ“दा सस्तो र सुगम बिजुलीमार्फत् मुलुकलाई धेरै फाइदा हुने तथ्यलाई लुकाउन खोजिएको दाबी गरेका छन् ।
ऊर्जा मन्त्रालयको समेत कार्यभार सम्हालेका प्रधानमन्त्रीकै प्रस्तावमा चिनिया“ ठेकेदार कम्पनी गेजुवाको मागबमोजिम मन्त्रिपरिषदले निर्माण सुरु भएको ६० मेगावाटको माथिल्लो त्रिशुली ३ ए लाई वर्षामा मात्र ३० मेगावाट विद्युत् उत्पादन क्षमता बढ्ने गरी निर्माण गर्ने सैद्धान्तिक निर्णय गरेको छ । मुलुकले चरम लोडसेडिङको समस्या भोगिरहेका बेला निर्माण अवधि दुई वर्षपछि धकेलिने र लागत ४ अर्ब रुपैया“ बढ्ने गरी आयोजनाको क्षमता बढाउन दिने निर्णयले मुलुकलाई धेरै फाइदा पुग्ने प्रधानमन्त्रीको दाबी आफैं हास्यापद छ ।
प्रधानमन्त्रीले रक्षा मन्त्रालयलाई वाइपास गरेर सेनालाई खुसी पार्न हेलिकप्टर ल्याउन लागेको भन्ने प्रचार गरिएको उल्लख गर्दै हेलिकोप्टर किन्ने समितिमा रÔा, अर्थ, नागरिक उड्डयन आदि मन्त्रालयका प्रतिनिधि रहेको तथ्य लुकाउन खोजिएको दाबी गरेका छन् । मन्त्रिपरिषदले सुरुमा समिति गठन गर्दा रक्षाको प्रतिनिधि राखेको थिएन । त्यससम्बन्धी समाचार छापिएपछिमात्र रक्षाको प्रतिनिधि थपिएको हो । यो यथार्थलाई बिर्सेर प्रधानमन्त्री आफैले कु–प्रचार गरेको रक्षा स्रोतले उल्लेख गरेको छ ।
प्रधानमन्त्रीले बा“दरमुढे घटनाका पीडितलाई सरकारले.६० लाख रुपैया“ शान्ति मन्त्रालयमार्फत् द्वन्द्वपीडितलाई विशेÈ राहत प्याकेजको कार्यक्रमबाट दिइसक्दा पनि नदिएको भन्दै आफूसित पार्टी र अध्यÔस“ग अन्तरविरोध पार्ने किसिमबाट प्रचार गरिएको दाबी गरेका छन् । दाहालले नै सरकारले पैसा दिएन भनेर पार्टी कोषबाट ६० लाख रुपैया“ पीडितलाई निकासा गरेका थिए ।
काठमाडौं उपत्यका प्राधिकरणका विकास आयुक्त केशव स्थापितलाई गड्यौला दिन नसकेर सरकारले हटायो भन्ने झूटो प्रचार गरिएको दाबीसमेत प्रधानमन्त्रीको छ । स्थापितले सम्बन्धित निकायहरूस“ग समन्वय गरेर काम गर्न नसकेका कारण्ँ विधिवत स्पष्टीकरण्ँ सोधेर, छानबिन गरी चित्तबुझ्दो जवाफ नआएपछि प्रक्रियासम्मत ढंगले उनलाई बिदा गरिएको जिकिरसमेत प्रधानमन्त्रीको छ ।
स्थापितले यमीले भने जति गड्यौला दिन नसकेका कारण आफूलाई हटाइएको दाबी गरेका थिए । त्यसको खण्डन प्रधानमन्त्री र उनकी पत्नी दुवैले दाबी गरेका छैनन् । फेरि विधिसम्मत ढंगले स्थापितलाई हटाइएको भए उनलाई सर्वोच्च अदालतले कसरी पुनर्बहाली ग¥यो भन्ने प्रश्न उठे पनि त्यसमा प्रधानमन्त्रीले चित्तबुझ्दो स्पष्टीकरण दिन सकेका छैनन् ।