सर्वोच्चमा ५ न्यायाधीश नियुक्त

काठमाडौं, ६ वैसाख– राष्ट्रपति विद्यादेवी भण्डारीले संसदीय सुनुवाइबाट अनुमोदन भएका ५ जनालाई शुक्रबार सर्वोच्च अदालतको न्यायाधीश नियुक्त गरेकी छन् । न्यायपरिषदको सिफारिसपछि संसदीय सुनुवाइबाट अनुमोदन भएका उनीहरूलाई राष्ट्रपतिले संविधानबमोजिम नियुक्त गरेकी हुन् ।
नियुक्त भएकामा प्रकाशकुमार ढुंगाना, सुस्मलता माथेमा, कुमार रेग्मी, हरिप्रसाद फु“याल र मनोजकुमार शर्मा छन् । ढुंगाना र माथेमा उच्च अदालतका मुख्य न्यायाधीश थिए भने रेग्मी, फु“याल र शर्मा कानुन व्यवसायीमध्येबाट न्यायाधीश सिफारिस भएका थिए । ५ जनामध्ये रेग्मी र फु“याल प्रधानन्यायाधीशको रोलक्रममा समेत छन् ।