काठमाडौं, ११ भदौ– अख्तियार दुरुपयोग अनुसन्धान आयोगले कृषि विकास बैंक धरानका लेखा सहायक निरन न्यौपानेविरुद्ध मंगलबार विशेष अदालतमा भ्रष्टाचारको मुद्दा दायर गरेको छ । न्यौपानेले जागिर खाने बेलामा नक्कली शैक्षिक प्रमाणपत्र पेस गरेको र त्यो भ्रष्टाचारजन्य कसुर भएकाले उनीविरुद्ध मुद्दा दायर गरिएको अख्तियारले जनाएको छ ।
उनले पेश गरेको बिहार इन्टरमिडियट शिक्षा परिषद, पटना अन्तर्गतबाट सन् १९९६ मा आईकम उत्तीर्ण गरेको भनिएको शैक्षिक योग्यताको प्रमाणपत्र नक्कली रहेको अख्तियारले उल्लेख गरेको छ । अख्तियारले भ्रष्टाचार निवारण ऐन, २०१७ को दफा १२ र २९ तथा प्रचलित भ्रष्टाचार निवारण ऐन, २०५९ को दफा १६ (१) बमोजिम हदैसम्मको दण्ड सजाय गर्न अभियोगपत्रमा मागदाबी गरेको छ ।
No comments:
Post a Comment