मृदुला प्रधानमन्त्रीको सल्लाहकार नियुक्त
काठमाडौं, १४ भदौ– मन्त्रिपरिषदले संविधानसभा निर्वाचन भएको नौ महिनापछि संविधानसभामा मनोनयन हुने २६ सभासदमध्ये शुक्रबार १७ जनामात्र मनोनित गरेको छ । मन्त्रिपरिषदको शुक्रबार बसेको बैठकले कांग्रेसका ८, एमालेका ८ र प्रतिपÔी राप्रपा नेपालको सिफारिसमा १ जना सभासद मनोनयन गरेको हो ।
अझै ९ सदस्य मनोनीत गर्न बा“की छ । त्यसमा कांग्रेसको एक, प्रमुख प्रतिपक्षी एमाओवादीका चार, मधेसी दलका २ र साना दलका तर्फबाट २ जना मनोनीत गरिनेछ । ती दलले नाम सिफारिस नगरिसकेको हुनाले मनोनयन हुन नसकेको हो ।
सरकारका प्रवक्ता एवं सूचना तथा सञ्चारमन्त्री मिनेन्द्र रिजालले कांग्रेसको बा“की १ तथा एमाओवादी, मधेसी दल र साना दलको भागमा परेको ९ सिटमा आगामी मन्त्रिपरिषद बैठकबाट मनोनयन गरिने बताए । मधेसी दलहरूले २६ सभासदको भागबण्डाप्रति विरोध गर्दै आएका छन् । उनीहरूले समानुपातिक वा प्रत्यÔतर्फ दलहरूले पाएको मतका आधारमा सभासद भागबण्डा हुनुपर्ने माग गर्दै आएका छन् ।
संविधानसभाको ठूलो दल कांग्रेसको सिफारिसमा राधेश्याम अधिकारी, शिवबहादुर खड्का, पुष्कर आचार्य, रेशम बानिया“, सकलदेव सुतिहार, सूर्यदेव दास उराव, उमेश श्रेष्ठ र अनिलकुमार रुङ्टा सभासद मनोनीत भएका छन् ।
कानुन व्यवसायी राधेश्याम अधिकारी अघिल्लो संविधानसभामा २६ सभासदमा कांग्रेसको कोटामा मनोनीत भएका थिए । कांग्रेसको कोटाबाट सभासद भएका उमेश श्रेष्ठ निजी बोर्डिङ तथा कलेज सञ्चालक हुन् भने अनिलकुमार रुङ्टा वरिष्ठ नेता शेरबहादुर शेरबहादुर देउवा निकट वीरगन्जका व्यापारी हुन् ।
श्रेष्ठ कांग्रेसको संस्थापनको कोटामा ल्याइएको हो । खड्का रामेछापका पूर्व जिविस सभापति र पार्टीका पुराना नेता हुन् ।
उराव अल्पसंख्यक समुदायबाट ल्याइएका कांग्रेस समर्थक शिक्षक नेता हुन् । । आचार्य ट्रेड युनियन कांग्रेसका पूर्व महासचिव हुन् । सुतिहार कांग्रेस समर्थक डेमेक्रेटिक इन्जिनियर्स एसोसिएसनको सिफारिसमा सभासद भएका हुन् । बानिया“ म्याग्दी कांग्रेसका पूर्व सभापति हुन् । कांग्रेसमा सभासदहरूको चयन संसदीय समितिबाट हुनुपर्ने विधानको व्यवस्थाविपरीत केन्द्रीय पदाधिकारी बैठकले उनीहरूको नाम सिफारिस गरेको हो ।
मन्त्रिपरिषदले कांग्रेसको सिफारिसमा रुक्मिणी कोइरालालाई समेत सभासद मनोनीत गरेको थियो । तर, पछि मन्त्रिपरिषदले समानुपातिक सिटमा उम्मेदवार रहिसकेको थाहा पाएपछि कोइरालाको नाम सभासदको सूचीबाट हटाएको छ ।उनी समानुपातिक सूचीको ८२ नं. मा उम्मेदवार थिइन् । सर्वोच्च अदालतले प्रत्यक्ष र समानुपातिक सिटमा उम्मेदवार रहेकालाई सभासद मनोनयन नगर्न आदेश जारी गरेकाले मन्त्रिपरिषदले कोइरालाको नाम हटाइएको हो ।
एमालेको कोटाबाट उदय नेपाली श्रेष्ठ, अग्नि खरेल, गंगादेवी डा“गी, मिरा ध्वजु, पेम्बा भोटे, नरेश खरेल, डा. राजन भट्टराई र पर्तमान धिमाल सभासद मनोनीति भएका छन् । एमाले केन्द्रिय सदस्य समेत रहेका कानुन व्यवसायी अग्नि खरेल अघिल्लो संविधानसभामा एमालेको समानुपातिक सिटबाट सभासद थिए । श्रेष्ठ पूर्व कानुन सचिव हुन् । नरेश खरेल झापा आन्दोलनका अगुवा नेता हुन् । उनी १६ वर्ष लागतार जेल परेका थिए । एमाले महासचिव इश्वर पोखरेलकी पत्नी मिरा ध्वजु यसअघिको केन्द्रीय सल्लाहकार परिषद् सदस्य थिइन् । पेम्बा भोटे जनजाति महासंघका महासचिव हुन् भने धिमाल अल्पसंख्यक समुदायबाट ल्याइएका एमालेका जिल्लास्तरीय नेता हुन् । हालै एमाले केन्द्रिय सदस्य निर्वाचित भट्टराई माधव नेपाल प्रधानमन्त्री हुदा“ परराष्ट्र सल्लाहकार थिए । डा“गी एमालेकी पूर्व केन्द्रीय सदस्य हुन् ।
स्रोतका अनुसार एमाले कोटामा परेका आठमध्ये सबै ओली समूहका हुन् । वरिष्ठ नेता झलनाथ खनाल, नेता माधव नेपाल र उपाध्यक्ष वामदेव गौतमको सिफारिसमा कोही पनि परेनन् । यसले गर्दा एमालेभित्र असन्तुष्टि बढेको छ । एमालेमा सभासद्हरूको मनोनयन गर्ने जिम्मा अध्यक्षलाई दिइएको थियो ।
यसैगरी राप्रपा नेपालको सिफारिसमा गम्भीर आर्थिक विवादमा परी संसदकै सार्वजनिक लेखा समितिको छानबिनमा रहेका अखिल नेपाल फुटबल संघ (एन्फा) का अध्यक्ष गणेश थापालाई सभासद मनोनीत गरिएको छ । उनी राप्रपा नेपालका अध्यक्ष कमल थापाका भाइ हुन् ।
उनी दुई दसकदेखि निरन्तर एन्फाका अध्यक्ष छन् । संघकै दुई उपाध्यक्षसहित तीन पदाधिकारीले थापाले आर्थिक अनियमितता गरेको दाबी गर्दै उजुरी दिएपछि लेखा समितिले उनीमाथि छानबिन गरिरहेको छ । अख्तियारले समेत उनीमाथि छानबिन गरिरहेको छ ।
मृदुला प्रधानमन्त्रीको सल्लाहकार नियुक्त
मन्त्रिपरिषदले प्रधानमन्त्रीको अवैतनिक जनसम्पर्क सल्लाहकारमा मृदुला कोइरालालाई नियुक्त गरेको छ । लामो समयदेखि पहिला स्वदेशमा र पछिल्लो समयमा अमेरिकामा बसेर कांग्रेस राजनीतिक गर्दै आएकी मृदुलालाई सल्लाहकार नियुक्त गरिएको हो । उनले अमेरिकामा प्रधानमन्त्री कोइरालाको क्यान्सरको उपचार गराउनसमेत सक्रिय भूमिका निर्वाह गरेकी थिइन् । उनी अमेरिकाको ग्रीनकार्ड होल्डर हुन् । निजामती प्रशासनमा ग्रिनकार्ड होल्डर कर्मचारीलाई कारबाही गर्न विधेयक संसदमा लगेको सरकारले त्यसको भावनाविपरीत प्रधानमन्त्रीको सल्लाहकारमा ग्रीनकार्ड होल्डरलाई नियुक्त गरेको हो ।
सरकारले राष्ट्रपति चुरे संरक्षण विकास समितिको सदस्यमा सुनितासिंह ठकुरी, विजयकुमारसिंह दनुवार, फुर्वा तामाङ र नागेन्द्रप्रसाद यादवलाई नियुक्त गरेको छ । ऋण असुली पुनरावेदन न्यायाधीकरणको पुनरावेदन सुन्ने अधिकारीमा महेशकुमार थापालाई नियुक्त गरिएको छ ।
No comments:
Post a Comment