विदेशी पर्यटकको हराएको सामान फिर्ता

काठमाडौं, ५ पुस– पर्यटक प्रहरीले जर्मन नागरिकको हराएको नगद र सामान फेला पारेर शनिबार फिर्ता गरेको छ । पर्यटक प्रहरीले जर्मन नागरिक मुहल पियुस् मोरिटिजलाई नगद र पासपोर्टसहितको झोला फेला पारेर फिर्ता गरेको हो ।
मोरिटिज शनिबार बिहान ठमेलबाट नयाँ बसपार्क जाने क्रममा सामान ट्याक्सीमा छुटेको थियो । मोरिटिजले आफ्नो सामान हराएको निवेदन पर्यटक प्रहरीसमक्ष दिएका थिए ।
पर्यटक प्रहरीले बा १ ज ८४७६ नम्बरको ट्याक्सीमा मोरिटिजको एक लाख रुपैयाँ नगद, मोबाइल र पासपोर्टलगायतका सामान भेटेको हो । पर्यटक प्रहरीले ट्याक्सी चालक रामेछापका हरि श्रेष्ठलाई नियन्त्रणमा लिएको छ ।