राससका संस्थापक श्रेष्ठ रहेनन्

काठमाडौं, २ चैत– राष्ट्रिय समाचार समिति (रासस) का संस्थापक सदस्य एवं वरिष्ठ पत्रकार मणीन्द्रराज श्रेष्ठको हृदयघाटबाट शनिबार दिउँसो निधन भएको छ । काठमाडौं महानगरको ताहचल निवासी ८६ वर्षीय श्रेष्ठलाई हृदयघात भएपछि उपचारका लागि थापाथलीस्थित नर्भिक अस्पताल लैजाने क्रममा बाटोमै निधन भएको जानकारी पारिवारिक स्रोतले दिएको छ ।
उनको शनिबार साँझ नै पशुपतिस्थित आर्यघाटमा अन्तिम संस्कार गरियो । स्व. श्रेष्ठका श्रीमती, एक छोरी र एक छोरा छन् । श्रेष्ठसहित रामराज पौडयाल र गोविन्द वियोगी राससका संस्थापक थिए ।