पूर्व सांसद पण्डितको निधन

काठमाडौं, २१ फागुन– नेकपाका नेता एवं पूर्वसांसद गणेश पण्डितको मंगलबार निधन भएको छ । मंगलबार बिहान हृदयाघात भएपछि उपचारका क्रममा ७० वर्षीय पण्डितको शिक्षण अस्पताल महाराजगञ्जमा दिउँसो निधन भएको जानकारी पारिवारिक स्रोतले दिएको छ ।
उनी नुवाकोट–२ बाट २०४८ मा प्रतिनिधिसभा सदस्य निर्वाचित भएका थिए । नेपाल राष्ट्रिय शिक्षक संगठनको केन्द्रीय उपाध्यक्षसमेत भएका पण्डित २०४२ को बमकाण्डमा गिरफ्तारीमा परेका थिए । त्यतिबेला उनी आठ महिना जेल परेका थिए । पण्डितका दुई छोरा, तीन छोरी र श्रीमती छन् ।