दाहाल अमेरिका प्रस्थान

काठमाडौं, ५ चैत– सत्तारूढ नेकपाका अध्यक्ष पुष्पकमल दाहाल श्रीमती सीता दाहालको स्वास्थ्योपचारका लागि आइतबार अमेरिका प्रस्थान गरेका छन् ।

अमेरिकाको जोन हकिङ्स अस्पतालमा श्रीमती सीताको पार्किन्सन रोगको उपचार हुनेछ । सीतालाई मधुमेह र उच्च रक्तचापको समेत समस्या छ । उनको गत असोजमा सिंगापुरमा समेत उपचार भएको थियो । अध्यक्ष दाहालको सचिवालयद्वारा आइतबार जारी प्रेस नोटमा दाहाल दम्पती अमेरिका प्रस्थान गरेको उल्लेख छ ।