काठमाडौं, २५ कात्तिक– महानगरीय ट्राफिक प्रहरी महाशाखाले बंगलादेशका राष्ट्रपति अब्दुल हमिदको मंगलबारदेखि कात्तिक २९ सम्म हुने नेपाल भ्रमणको समयमा राजधानीको चक्रपथभित्र ठूला मालबाहक गाडी नचलाउन आग्रह गरेको छ ।
महाशाखाले सोमबार विज्ञप्ति जारी गरी भ्रमणका क्रममा सवारी व्यवस्थापनमा सहयोग गर्नसमेत उपत्यकाबासीलाई आग्रह गरेको छ । विज्ञप्तिमा महाशाखाले भ्रमणका क्रममा मुख्य सडकको प्रयोग नगरी अन्य वैकल्पिक सडकको प्रयोग गर्न तथा अनावश्यक सवारी साधन प्रयोग नगर्नसमेत आग्रह गरेको छ । पुराना र अवस्था ठीक नभएका गाडी नचलाउन तथा हर्नको प्रयोग नगर्नसमेत महाशाखाले भनेको छ ।
No comments:
Post a Comment