काठमाडौं, ३० कात्तिक– भारत सरकारद्वारा कालापानी, लिपुलेक र लिम्पियाधुरा लगायतको नेपाली भूमि अतिक्रमण गरिएको विरोधमा कांग्रेसको भ्रातृ संगठन नेविसंघले आइतबार लैनचौरस्थित भारतीय दूतावास अगाडि प्रदर्शन गरेको छ ।
प्रदर्शनमा हस्तक्षेप गरी प्रहरीले नेविसंघका नवराज त्रिपाठी, मनीष सिंखडा, दीपक ओझा, सरोज थापा, सन्तोष पाण्डे र दीपेश ओलीलगायतलाई पक्राउ गरेको थियो । सबैलाई साँझ छाडिदिएको छ ।
उनीहरूले कालापानी, लिपुलेक र लिम्पियाधुरा नेपाली भूमि हो भन्दै कालो ब्यानर र कालो बेलुन उडाएर प्रदर्शन गरेका थिए । भारतले नयाँ राजनीतिक नक्सामा आफ्नो भन्दै समावेश गरेको नेपाली भूमि फिर्ता गर्न नेविसंघले माग गरेको छ ।
No comments:
Post a Comment