काठमाडौं, १८ कात्तिक– टोखा नगरपालिकाका इन्जिनियर दिनेशकुमार पाठकसहित तीन जनाविरुद्ध अख्तियार दुरुपयोग अनुसन्धान आयोगले सोमबार विशेष अदालतमा भ्रष्टाचार मुद्दा दायर गरेको छ । पाठकसँगै लायन्स इन्जिनियरिङ कन्स्ट्रक्सन एन्ड कन्सल्टेन्सी प्रालिका ओभरसियर प्रशान्त चौधरी र लेखापढी व्यवसायी जयराम तिमिल्सिनाविरुद्ध पनि मुद्दा दायर गरिएको हो ।
तीनैजनाले मिलेमतो गरी टोखा नगरपालिकाबाट घर निर्माण सम्पन्नको प्रमाणपत्र दिने क्रममा सेवाग्राहीसँग ५ लाख रुपैयाँ घूस लिई भ्रष्टाचार गरेको पुष्टि भएकाले मुद्दा दायर गरिएको आयोगले जनाएको छ । अभियोगपत्रमा तीनै जनालाई ५/५ लाख रुपैयाँ बिगो कायम गरी डेढ वर्ष कैद सजाय र जरिवाना गर्न मागदाबी गरिएको छ ।
No comments:
Post a Comment