कृषि मन्त्रालयको अनियमितापूर्ण सरुवा बदर

चार महानिर्देशक फेरिए २२ सहसचिवको सरुवा
काठमाडौं, २४ जेठ- संसदको राज्य व्यवस्था समितिको निर्देशनमा सामान्य प्रशासन मन्त्रालयले प्रशासनिक मर्यादाविपरीत वरिष्ठतालाई मिचेर कृषि मन्त्रालयमा गरिएको सरुवा बदर गरेको छ । कृषि मन्त्रालयले वरिष्ठ तीन सहसचिवलाई कनिष्ठ प्रमुखको मातहतमा गरेको अनियमिततापूर्ण सरुवालाई सामान्य प्रशासनले बदर गरिदिएको जानकारी स्रोतले दिए । कृषिमा वरियता मिचेर सरुवा गरेको आवाज उठेपछि समितिले त्यसबारेमा अध्ययन गरी सरुवा बदर गर्न निर्देशन दिएको थियो ।
सरुवा÷बढुवाको नियमन गर्ने मन्त्रालय सामान्य प्रशासनले गरेको निर्णयबाट सहसचिवत्रय उत्तमकुमार भट्टराईलाई खाद्य प्रविधि तथा गुण नियन्त्रण विभागको उपमहानिर्देशक फुल्गेन प्रधानलाई कृषि विभागमातहतको कृषि इन्ििजनियरिङ निर्देशनालय र जानकी खनाललाई कृषि तालिम निर्देशनालयमातहतको पूर्वााचल तालिम केन्द्रको निर्देशकमा गरिएको सरुवा बदर भएको छ ।
सामान्यको निर्णयले उनीहरु तीनैजना सरुवा हुनुपूर्व रहेकै ठाउँमा फर्किएका छन् । भट्टराई कृषि मन्त्रालयको अनुगमन तथा मूल्यांकन महाशाखा प्रधान कृषि व्यवसाय प्रवद्र्धन तथा तथ्यांक महाशाखा प्रमुख र खनाल मध्यमााचल क्षेत्रीय निर्देशनालयको निर्देशकमा फर्किएका छन् । भट्टराई प्रधान र खनाल आफ्नो ठाउँमा फर्किएपछि वरिष्ठता मिचेर प्रमुख बनाइएका क्रमशः आनन्दरत्न बज्राचार्य विष्णु अर्याल र डिल्लीराम शर्मा पुरानै ठाउँमा फर्किने भएका छन् ।
सरकारले दुई विभागका महानिर्देशकसहित २२ सहसचिवको सरुवा गरेको छ । िसंचाइ मन्त्रालयका सहसचिव महेन्द्रबहादुर गुरुङलाई ऊर्जा मन्त्रालयमा सरुवा गरी विद्युत् विकास विभागको महानिर्देशकको जिम्मेवारी दिइएको छ । विभागमा लामो समयदेखि काम गरिरहेका चार सहसचिव हुँदाहुँदै गुरुङलाई िसंचाइबाट ल्याएर महानिर्देशक बनाइएको हो । यो सरुवाप्रति विभागका कर्मचारीहरु असन्तुष्ट भएको स्रोतले उल्लेख गरेको छ ।
जल उत्पन्न प्रकोप नियन्त्रण विभागका महानिर्देशक खोमराज दाहाललाई िसंचाइ मन्त्रालयमा सरुवा गरिएको छ भने महानिर्देशकमा सोही विभागका सुपरिटेन्डेन्ट इन्जिनियर सुई कमल रेग्मीलाई बढुवा गरिएको छ । मध्यमााचल क्षेत्रीय िसंचाइ निर्देशक प्रकाश पौडेललाई विभागको सुईमा सरुवा गरिएको छ । क्षेत्रीय निर्देशकमा विभागका सुई प्रदीपराज पाण्डेलाई सरुवा गरिएको छ ।
वैदेशिक रोजगार विभागका महानिर्देशक चन्द्रमान श्रेष्ठ र श्रम विभागका महानिर्देशक मोहनकृष्ण सापकोटालाई क्रमशः सूचना आयोग र गृह मन्त्रालयमा सरुवा गरिएको छ । ती विभाग प्रमुखमा कसैलाई पनि लगिएको छैन ।
सरकारले विभिन्न मन्त्रालयका तीन सहसचिवलाई दायित्वविहीन बनाई सामान्य प्रशासनको अतिरिक्त समूहमा सरुवा गरेको छ । वातावरण मन्त्रालयका पुरुषोत्तम घिमिरे महिला मन्त्रालयका तिलकराम शर्मा पर्यटन तथा नागरिक उड्डयनका लक्ष्मण भट्टराईलाई अतिरिक्तमा सरुवा गरिएको हो ।
सामान्य प्रशासनको कर्मचारी प्रशासन महाशाखा प्रमुख उद्धव बाँस्कोटालाई वातावरण मन्त्रालयमा सरुवा गरिएको छ । उक्त महाशाखामा सामान्य प्रशासनमै अतिरिक्तमा रहेका गेहनाथ गौतमलाई सरुवा गरिएको छ ।
गृह मन्त्रालयका लवराज श्रेष्ठलाई उद्योग िसंचाइका नरेन्द्र शर्मालाई श्रम तथा यातायात गृह मन्त्रालयका प्रेम राईलाई शिक्षा वैदेशिक रोजगाग विभागका महानिर्देशक चन्द्रमान श्रेष्ठलाई सूचना आयोग शिक्षा मन्त्रालयका ज्ञानदर्शन उदासलाई श्रम तथा यातायात सूचना तथा साचारका एकनारायण अर्याललाई वन सूचना आयोगका बालकृष्ण घिमिरेलाई पर्यटन वनका उपेन्द्र अधिकारीलाई महिला शिक्षाका हरि बस्याललाई पर्यटन श्रम विभागका महानिर्देशक मोहनकृष्ण सापकोटालाई गृह पर्यटनका मुरारीबहादुर कार्कीलाई शिक्षा उद्योगका रवीन्द्र कर्माचार्यलाई िसंचाइ मन्त्रालयमा सरुवा गरिएको छ ।