भोिल सार्वजनिक बिदा

काठमाडौं, ७ असार - सरकारले राष्ट्रिय जनगणना दिवस-२०६८ मनाउन असार ८ गते बुधबार सार्वजनिक बिदा दिएको छ । हरेक जनगणना भएको वर्ष असार ८ गते जनगणना दिवस मनाउने परम्पराअनुरुप सरकारले यस वर्ष पनि योजना आयोगको सिफारिसमा सार्वजनिक बिदा दिएको हो । जनगणनामा सहभागिता बढोस् भनेर सार्वजनिक बिदा दिई दिवसका रुपमा मनाउन थालिएको जानकारी सरकारी अधिकारीले दिए
यस वर्ष असार ३ देखि १३ गतेसम्म देशभर जनगणना गर्ने कार्यक्रम छ । जनगणना अभियानको मध्य दिन असार ८ लाई सन्दर्भ दिन मानेर सार्वजनिक बिदा दिइएको तथ्यांक विभागका अधिकारीले बताए । ती अधिकारीका अनुसार जनगणना-२०६८ बाट जनसंख्याको जुन तथ्यांक आउँछ त्यो सन्दर्भ दिन असार ८ गतेको तथ्यांक मानिन्छ ।
जनगणना स्मारकको अनावरण
सरकारले मुलुकमा जनगणना सुरु भएको सय वर्ष पुगेको अवसर पारी राजधानीको तथ्यांक विभागअगाडि जनगणना स्मारक निर्माण गरेको छ । प्रधानमन्त्री झलनाथ खनालले बुधबार उक्त स्मारकको अनावरण गर्ने कार्यक्रम छ । नेपालमा १९६८ सालमा पहिलोपटक जनगणना भएको हो त्यसपछि हरेक दस÷दस वर्षमा जनगणना हुँदै आएको छ ।