सबै सहरका सडकलाई लोडसेडिङमुक्त गरिने

काठमाडौं, २२ जेठ- सरकारले देशका सबै सहरका सडक बत्तीलाई लोडसेडिङमुक्त गर्न कार्यक्रम अघि बढाउने भएको छ । संसदको सार्वजनिक लेखा समितिको आइतबार बसेको बैठकमा ऊर्जा मन्त्री गोकर्ण बिष्टले सहरका सबै सडक तथा गल्लीलाई लोडसेडिङ मुक्त गर्न स्थानीय निकायसित मिलेर विद्युत् कम खपत गर्ने सीएफल र एलइडी चिम प्रयोगमा ल्याउने सोलार बत्ती जडान गर्ने होर्डिङबोर्डलगायतमा प्रयुक्त मर्करी ल्याम्प परिवर्तन गर्न लगाउनेलयातका कार्यक्रम आगामी आर्थिक वर्षदेखि साचालन गर्न लागिएको जानकारी दिए ।
उनका अनुसार देशभर सडक बत्तीमा २१÷२२ मेगावाट विद्युत् खपत हुन्छ । सीएफल एलईडी चिमको प्रयोग सोलार जडानलयातका कार्यक्रमबाट सडक बत्तीमा विद्युत् खपत ५÷६ मेगावाटमा झार्न र स्ट्रिट लाइटलाई लोडसेडिङ मुक्त गर्न सकिने विश्वास बिष्टले व्यक्त गरे । त्यसबाट लोडसेडिङ घटाउनसमेत मद्दत पुग्ने उनले बताए ।