काठमाडौं, २६ असार– कांग्रेस सभापति एवं प्रधानमन्त्री सुशील कोइरालाले मित्र राष्ट्र भारतको सत्तारूढ पार्टी भारतीय जनता पार्टी (भाजपा) का नवनिर्वाचित अध्यक्ष अमित साहलाई बधाई सन्देश पठाएका छन् । कोइरालाले अमेरिकाबाटै बिहीबार साहलाई पत्र पठाई उनी पार्टी अध्यक्ष निर्वाचित भएकामा खुसी व्यक्त गर्दै उनको कार्यकाल सफलताको कामना गरेका छन् ।
कोइरालाले पत्रमा दुई देशका जनताको आपसी हितका लागि नेपाल–भारतबीचको सम्बन्ध अझ प्रगाढ बनाउन भाजपाको नेतृत्वसित सहकार्य गर्न तयार रहेको उल्लेख गर्दै साहको पालामा कांग्रेस र भाजपाबीचको सम्बन्ध अझ मजबुत हुने विश्वास व्यक्त गरेका छन् ।
No comments:
Post a Comment