नेविसंघलाई भदौमा महाधिवेशन गर्न निर्देशन

काठमाडौं, २२ असार– कांग्रेसले भातृ संस्था नेविसंघको केन्द्रीय तदर्थ समितिलाई एघारौं महाधिवेशन भदौ २९, ३० र ३१ मा गर्न निर्देशन दिएको छ । कांग्रेसका कार्यवाहक सभापति रामचन्द्र पौडेलको अध्यक्षतामा शनिबार बसेको पदाधिकारी बैठकले चार वर्षदेखि स्थगित हु“दै महाविधेशन भदौमा गर्न निर्देशन दिएको हो ।
तदर्थ समितिले सातपटक महाधिवेशनको मिति तोके पनि तदर्थ गराउन नसकेपछि पदाधिकारी बैठकले महाधिवेशन छिटोभन्दा छिटो गर्न पार्टीका तर्फबाट निर्देशन दिनुपरेको जानकारी कांग्रेस नेताले दिए ।
बैठकले नेविसंघको केन्द्रीय तदर्थ समितिलाई आइतबारदेखि नै महाधिवेशनको तयारीमा जुट्नसमेत निर्देश गरेको छ । नेविसंघको दसौं महाविधेशन ०६४ जेठ ६–११ मा चितवनमा भएको थियो । निर्वाचित अध्यक्ष प्रदीय पौडेलले राजिनामा दिएपछि पार्टीले २०६८ फागुन १७ मा ६ महिनामा महाधिवेशन गर्ने शर्तमा रञ्जित कर्णको अध्यक्षतामा केन्द्रीय तदर्थ समिति गठन गरेको थियो । तर, तदर्थ समितिमा तीन वर्षसम्म महाधिवेशन गराउन सकेको छैन ।