काठमाडौं, ८ असार– साझा यातायातले काठमाडौं महानगरसँगको सहकार्यमा राजधानीमा थप २० वटा बस सञ्चालन गर्ने भएको छ । साझाले ती बस असार १६ देखि सञ्चालनमा ल्याउने भएको छ ।
साझाका अनुसार ती बस सञ्चालनका लागि यातायात व्यवस्था विभागबाट रुट परमिट समेत लिइसकिएको छ ।
ती बस काठमाडौं, ललितपुर र भक्तपुरमा चलाइने छ । साझाका अनुसार नयाँ बसपार्कबाट जडीबुटी हुँदै कमलविनायकसम्म र चाबहिलबाट त्रिभुवन अन्तर्राष्ट्रिय विमानस्थल हुँदै लगनखेलसम्म बस सञ्चालन गर्ने रुट तय गरिएको गरिएको छ ।
साझाका ७१ बस नियमित सञ्चालनमा छन् । २० वटा थपिएपछि ९१ वटा पुग्ने छन् । यीमध्ये एउटा अपांगता भएका र ज्येष्ठ नागरिकका लागि लक्षित ‘लो फ्लोर’ बस छ । चारवटा सुविधासम्पन्न (डिलक्स) बस साझाले उपत्यका बाहिर लामो रुटमा चलाउँदै आएको छ । बाँकी बस राजधानी उपत्यकामा सञ्चालनमा छन् । साझाले आफ्ना बसमा कार्डमार्फत भाडा तिर्ने प्रविधिसमेत सुरु गरिसकेको छ ।
No comments:
Post a Comment