पूर्वमुख्यसचिव मल्ल रहेनन्

काठमाडौं, १२ असार– पूर्वमुख्यसचिव बलरामसिंह मल्लको ७८ वर्षको उमेरमा बिहीबार निधन भएको छ । मिर्गौलाको क्यान्सरबाट पीडित मल्लको मेडिसिटी अस्पताल ललितपुरमा बिहीबार बिहान निधन भएको जानकारी पारिवारिक स्रोतले दिएको छ । मल्लका श्रीमती, एक छोरा र तीन छोरी छन् । 

मल्ल २०५३ देखि २०५६ सम्म मुख्यसचिव थिए । मुख्यसचिवबाट सेवा निवृत्त भएपछि उनी जर्मनीका लागि नेपाली राजदूतसमेत भएका थिए । मल्लको बिहीबार नै पशुपति आर्यघाटमा अन्त्येष्टि गरिएको छ ।