न्याम्सको उपकुलपतिमा तीन जनाको नाम सिफारिस

काठमाडौं, १ असोज– चिकित्सा विज्ञान राष्ट्रिय प्रतिष्ठान (न्याम्स) वीर अस्पतालको उपकुलपतिमा तीन जनाको नाम सिफारिस गरिएको छ । सहकुलपति एव स्वास्थ्यमन्त्री उपेन्द्र यादवको संयोजकत्वमा गठित समितिले छनोटमा परेका ६ जनामध्ये कार्ययोजना प्रस्तुतिका आधारमा उत्कृष्ट तीन जनाको नाम सिफारिस गरेको हो ।

सिफारिस भएकामा डा. डीएन शाह, डा. ढुण्डी पौडेल र डा अजित रायमाझी छन् । मन्त्री यादव संयोजकत्वको सिफारिस समितिमा प्रमुख विशेषज्ञ डा. सुशीलनाथ प्याकुरेल र नेपाल मेडिकल काउन्सिलका अध्यक्ष डा. धर्मकान्त बा“स्कोटा सदस्य छन् । प्रधानमन्त्री एवं कुलपति केपी ओलीले तीन जनामध्येबाट उपकुलपति नियुक्ति गर्नेछन् ।