काठमाडौं, २३ साउन– प्रधानमन्त्री केपी ओली सिंगापुरको नेसनल युनिभर्सिटी हस्पिटलमा स्वास्थ्य परीक्षण सकेर आइतबार स्वदेश आउने भएका छन् । प्रधानमन्त्री शुक्रबारै फर्कने कार्यक्रम भए पनि स्वास्थ्य परीक्षणका कारण बसाइ लम्बिएको प्रधानमन्त्री निवास स्रोतले जनाएको हो ।
‘स्वास्थ्य परीक्षण जारी रहेकाले अस्पताल बसाइ लम्बिएको हो, चिकित्सकको परामर्शमा उहाँ आइतबार मात्रै स्वदेश फर्कनुहुनेछ,’ स्रोतले भन्यो । बिहीबारसम्मको स्वास्थ्य परीक्षणबाट ओलीको अवस्था सामान्य देखिएको समेत स्रोतले उल्लेख गरेको छ । साउन १८ मा ओली नियमित स्वास्थ्य परीक्षणका लागि सिंगापुर गएका थिए । प्रधानमन्त्रीका साथमा उनकी धर्मपत्नी राधिका शाक्य, राजनीतिक सल्लाहकार विष्णुप्रसाद रिमाल, निजी चिकित्सक डा. दिव्यासिंह शाह, स्वकीय सचिव राजेश वज्राचार्यसहित नौ जना छन् ।
No comments:
Post a Comment