काठमाडौं, २१ साउन– उच्च अदालत पाटनका मुख्य न्यायाधीश नहकुल सुवेदीले मुद्दाको ‘कजलिष्ट’ प्रकाशित भएपछि न्यायाधीश तथा कर्मचारीलाई मोबाइल बन्द गर्न निर्देशन दिएका छन् । मुलुकभरका अदालतहरूमा कजलिस्ट निस्केपछि न्यायाधीश तथा कर्मचारीहरूका मोबाइलको घण्टी बज्ने गरेको उल्लेख गर्दै सुवेदीले मंगलबार त्यस्तो प्रवृत्तिलाई नियन्त्रण गर्न निर्देशन दिएका हुन् ।
सुवेदी उच्च अदालत तुल्सिपुरबाट हालै उच्च अदालत पाटनको मुख्य न्यायाधीशमा सरुवा भएर आएका हुन् । उनले मुद्दाको कजलिस्ट निस्केपछि आवश्यक कर्मचारीबाहेकलाई न्यायाधीशहरूको चेम्बरमा प्रवेश गर्नसमेत नदिन दिएका छन् । उनले न्यायाधीशहरुलाई पूर्वाधार अभावले इजलास बस्न नसक्ने अवस्था भए पनि पूरा समय अदालतमा बस्न र पुराना मुद्दालाई घटाउनसमेत निर्देशन दिएका छन् ।
No comments:
Post a Comment