काठमाडौं, १७ माघ– सत्तारूढ नेकपाका वरिष्ठ नेता माधवकुमार नेपाल बुधबार लाओस प्रस्थान गरेका छन् । उनी लाओस पिपुल्स रिभोलुसनरी पार्टी तथा जनवादी गणतन्त्र लाओसको निमन्त्रणामा सात सदस्यीय टोलीको नेतृत्व गर्दै बुधबार राति लाओस प्रस्थान गरेका छन् ।
टोलीमा नेकपाका स्थायी कमिटी सदस्य लिलामणि पोखरेल, छविलाल विश्वकर्मा तथा केन्द्रीय सदस्य जयन्ती राई, बिना श्रेष्ठ, विष्णु रिजाल र अलि अख्तर छन् ।
भ्रमणका क्रममा नेकपा र रिभोलुसनरी पार्टी तथा नेपाल र लाओसबीच सम्बन्ध सुधार गर्ने विषयमा छलफल हुने जानकारी उनको स्वकीय सचिवालयले दिएको छ । उनी माघ २२ मा स्वदेश फर्कनेछन् ।
No comments:
Post a Comment