काठमाडौं, १७ माघ– त्रिभुवन अन्तर्राष्ट्रिय विमानस्थल सुरक्षा कार्यालयले १९ हजार ७ सय अमेरिकी डलरसहित एक जना इजरायलीलाई बिहीबार पक्राउ गरेको छ ।
पक्राउ पर्नेमा इजरायली नागरिक राहदानी नं. २१७४०५३८ बहाक ३१ वर्षीय सही वेन मोहा छन् । काठमाडौंबाट थाई लायन एयरको उडानबाट बैंकक जान लागेका इजरायली नागरिकको कम्मरको मनी पर्सबाट उक्त परिमाणमा डलर भेटिएको हो ।
एक्स रे मेसिनमा चेक गर्ने क्रममा अवैध डलर भेटिएको जानकारी विमानस्थल सुरक्षा कार्यालयले दिएको छ । विमानस्थल सुरक्षा कार्यालयले बिहीबार नै इजरायली नागरिकमाथि थप अनुसन्धान र कानुनी कारबाहीका लागि राजस्व अनुसन्धान विभागलाई बुझाएको छ ।
No comments:
Post a Comment