अख्तियारले आज राष्ट्रपतिलाई प्रतिवेदन बुझाउने

काठमाडौं, २८ भदौ- अख्तियार दुरुपयोग अनुसन्धान आयोगले बिहीबार अपराह्न आफ्नो वार्षिक प्रतिवेदन-२०६७/६८ राष्ट्रपति डा. रामवरण यादवलाई बुझाउने भएको छ । आयोगले वर्षभरि दायर गरेका भ्रष्टाचार र अख्तियार दुरुपयोगका मुद्दा त्यसमा हासिल भएको सफलता असफलता सरकारलाई दिएका निर्देशन र आफूले एक वर्षमा गरेका अरु कामको फेहरिस्तसहितको आफ्नो प्रतिवेदन राष्ट्रपतिमार्फत् संसदलाई बुझाउन लागेको हो ।
राष्ट्रपतिले आयोगको प्रतिवेदन संसदमा पठाउनेछन् । आयोगले बिहीबार अपराह्न आफ्नो कार्यालय परिसरमा पत्रकार सम्मेलन गरी प्रतिवेदन सार्वजनिक गर्ने कार्यक्रमसमेत राखेको छ ।