संचारमन्त्रीद्वारा काउ_िन्सलका दुई सदस्यसित राजिनामा माग

यादव र आचार्य दुवैले राजिनामा नदिने
काठमाडौं, ६ असोज- सूचना तथा संचार मन्त्री जयप्रकाश गुप्ताले प्रेस काउ_िन्सलका सदस्यद्वय रामरिझन यादव र गोविन्द आचार्यसित राजिनामा मागेका छन् । उनले दुवै जनालाई आफ्नो कार्यकक्षमा बोलाएर कानुनअनुसार एकैपटक सरकारका दुई निकायमा बसेर सरकारी सुविधा लिन नमिल्ने उल्लेख गर्दै काउ_िन्सलबाट राजिनामा दिन आग्रह गरेका हुन् ।
यादव प्रधानमन्त्रीका प्रेस सल्लाहकार र आचार्य श्रमजीवी पत्रकार पारिश्रमिक निर्धारण समितिका संयोजक छन् । यादवले प्रधानमन्त्री कार्यालय र आचार्यले संचार मन्त्रालयबाट गाडीसहितको तलबसुविधा पाउँछन् भने काउ_िन्सलबाट बैठक भत्ता । यादवले आफूहरुलाई काउ_िन्सलको सदस्यबाट राजिनामा दिन गुप्ताले दबाब दिएको स्वीकार गरे ।
'सरकारी खर्चमा मितव्ययिता गर्नेसम्बन्धी निर्देशिका २०६८ र विद्यमान कानुनअनुसार एउटै व्यक्तिले एकैचोटि दुइटा सरकारी निकायबाट सुविधा लिन मिल्दैन अख्तियार दुरुपयोग अनुसन्धान आयोगले एकैपटक दुईतिरबाट सुविधा लिएकामा छानबिन गर्न सक्छ त्यही कारण तपाईंहरुले काउ_िन्सलबाट राजिनामा दिनोस्' गुप्ताले यादव र आचार्यलाई भनेको भनाइ उद्धृत गर्दै स्रोतले भने ।
तर मन्त्रीले दबाब दिए पनि दुवै जनाले काउ_िन्सलबाट राजिनामा नदिने भएका छन् । आफूहरुले सरकारबाट तलब र काउ_िन्सलबाट कानुनतः भत्ता लिन मिल्ने र राजिनामा पनि नदिने यादवले बताए । 'सरकारी कर्मचारी सबैले तलब र बैठक भत्ता लिन्छन् हामीले िलंदा अख्तियार लाग्छ भन्नु गलत हो' यादवले भने ।
सरकारका महत्वपूर्ण नियुक्तिमा रहेका व्यक्तिले सम्पूर्ण साचार माध्यममा आचारसंहिता पालना भए÷नभएको अनुगमन गरी कारबाहीसम्मको सिफारिस गर्ने कानुनी रुपमा स्वायत्त र स्वतन्त्र निकाय प्रेस काउ_िन्सलमा बस्न नमिल्ने जानकारी एक सरकारी अधिकारीले दिए ।
'प्रमुख कार्यकारी प्रधानमन्त्रीका सहयोगी र सरकारी निकायमा बसेका व्यक्तिबाट सम्पूर्ण साचार माध्यमको स्वतन्त्र अनुगमन हुन सक्तैन' ती अधिकारीले भने । तर यादवले भने प्रेस काउ_िन्सलमा बसेर आफूहरुले अनुगमन मिल्ने र तर त्यसको पत्रपत्रिकाको वर्गीकरण गर्ने उपसमितिमा भने बस्न नमिल्ने जिकिर गरे ।