दुई संचालकले प्राधिकरण छाडे

काठमाडौं, ६ असोज- विद्युत् प्राधिकरणका संचालक समितिका सदस्यद्वय सुवास कर्माचार्य र केदार साजेलले राजिनामा दिएका छन् । अघिल्लो सरकारका पालामा उपभोक्ता र ऊर्जा क्षेत्रको विज्ञका तर्फबाट नियुक्त क्रमशः कर्माचार्य र साजेलले नयाँ सरकार गठन भएपछि राजिनामा दिएका हुन् ।
अघिल्ला ऊर्जा मन्त्री गोकर्ण बिष्टका पालामा प्राधिकरणमा वित्तीय क्षेत्रबाट संचालक सदस्य नियुक्त सुजित आचार्यले मात्र राजिनामा दिन बाँकी रहेको स्रोतले उल्लेख गरेको छ । स्रोतका अनुसार नयाँ ऊर्जा मन्त्री पोष्टबहादुर बोगटीले प्राधिकरणको रिक्त सदस्यमा नियुक्तिको प्रकि्रया अघि बढाएका छन् ।