बढी पेन्सन पाउन रजिष्टारद्वारा राजिनामा

काठमाडौं, २९ असार- बढी तलब पाउने लोभमा सर्वोच्च अदालतका रजिष्टार रामकृष्ण तिम_िल्सनाले पदावधि सकिनु चार महिनाअघि राजिनामा दिएका छन् । विशिष्ट श्रेणीको पद रजिष्टारमा बढुवा भएको पाँच वर्ष पुगी आगामी कात्तिक २ गते अनिवार्य अवकास पाउने तिम_िल्सनाले थप ६ वर्ष बढी सेवा गरेबराबरको पेन्सन पाउन चार महिनाअघि ुस्वेच्छिक राजिनामाु दिएका हुन् ।
२०३७ सालमा सेवा प्रवेश गरेका तिम_िल्सनाले अनिवार्य अवकास लिएको भए ३१ वर्ष सेवा गरेबराबरको पेन्सन सुविधा पाउँथे । तर स्वेच्छिक अवकास लिएका कर्मचारीले ६० वर्ष सेवा गरेबराबरको पेन्सन पाउने व्यवस्थाको सुविधा लिन उनले चार महिनाअघि राजिनामा दिएका हुन् । यो सुविधा लिएका कारण उनले अनिवार्य अवकास िलंदाको भन्दा पेन्सन महिनाको झन्डै २ हजार ५ सय रुपैयाँ बढी पाउँछन् ।

उनले प्रधानमन्त्री तथा मन्त्रिपरिषद कार्यालयमा लिखित राजिनामा दिएका ह्न । उनको राजिनामा मन्त्रिपरिषदबाट स्वीकृत हुन बाँकी छ । विशिष्ट श्रेणीको पद रजिष्टारमा बढुवा भएको पाँच वर्ष पुगी उनले आगामी कात्तिक २ गतेमात्र अनिवार्य अवकास पाउँथे । उनको राजिनामा स्वीकृत भएपछि रिक्त हुने रजिष्टारमा न्याय सेवा आयोगले सह रजिष्टारहरुमध्येबाट वरिष्ठलाई बढुवा गर्न सिफारिस गर्ने कानुनी व्यवस्था छ त्यसैका आधारमा मन्त्रिपरिषदले रजिष्टारमा बढुवा गर्नेछ ।