विद्युतको कार्यकारी निर्देशकका लागि थप सात जनाको प्रस्ताव

राम्रा व्यक्तिको प्रस्ताव नपरेकामा ऊर्जाका अधिकारी निराश
काठमाडौं, २ साउन- विद्युत् प्राधिकरणको कार्यकारी निर्देशकका लागि विभिन्न क्षेत्रका थप सात जनाले प्रस्ताव हालेका छन् । पहिलो विज्ञापनमा पर्याप्त प्रस्ताव नपरेको भन्दै ऊर्जा मन्त्रालयले दोस्रोपटक आह्वान गरेको १५ दिने सूचनाको अन्तिम दिन सोमबारसम्म थप सात जनाले कार्यकारी निर्देशकका लागि प्रस्ताव हालेका हुन् । पहिलोपटकका विज्ञापनका १३ जनासहित कार्यकारी निर्देशकका लागि प्रस्ताव हाल्नेको संख्या २० पुगेको छ ।
दुईपटकको विज्ञापनमा पनि प्राधिकरण चलाउन सक्ने एक जना पनि योग्य व्यक्तिको प्रस्ताव नपरेकामा ऊर्जा मन्त्री गोकर्ण बिष्ट र ऊर्जाका अधिकारीहरु निराश छन् । उनीहरु प्रस्ताव हालेका व्यक्तिमध्येबाट राम्रो व्यक्ति छान्ने बताउँछन् तर एमालेलाई मासिक लेबी बुझाउँदै आएका शान्ति मन्त्रालयमा रहेका जनरल सिभिल इन्जिनियर दीपेन्द्र शर्मालाई ल्याउने आश्वासन दिएर प्रस्ताव हाल्न लगाएको र उनी नै छनौट हुने निश्चित रहेको बताउने ऊर्जाका केही अधिकारी छन् ।
ऊर्जा मन्त्रालयले प्राधिकरणको कार्यकारी निर्देशक खुल्ला प्रतिस्पर्धाबाट छनौट गर्न प्रस्ताव आह्वान गरेको हो । दोस्रोपटकको आह्वानमा कार्यकारी निर्देशकका लागि प्रस्ताव हाल्नेमा प्राविधिक सहसचिवद्वय केशवध्वज अधिकारी र दीपेन्द्रनाथ शर्मा खानेपानी विभागका डिभिजनल इन्जिनियर राजन पाण्डे विद्युत् प्राधिकरणका आठौं तहका इन्जिनियर अम्बिकेशकुमार झा पुल्चोक इन्जिनियरिङ क्याम्पसका सहप्राध्यापक नवराज कार्की इन्द्रलाल श्रेष्ठ र जगन्नाथ ढकाल छन् । विद्युत् विकास विभागका सुई अधिकारी हाइड्रो पावर र शर्मा जनरल सिभिल समूहका इन्जिनियर हुन् ।
ऊर्जा मन्त्रालयले यसअघि आह्वान गरेको सूचनामा १३ जनाले प्रस्ताव हालेकामा छनौट समितिले योग्य व्यक्ति नपरेको निष्कर्ष निकाल्दै दोस्रोपटक विज्ञापन गरी थप प्रस्ताव आह्वान गरेको हो । पहिलो सूचनामा परेका प्रस्तावलाई यथावत् राखिएको छ । उनीहरुको प्रस्तावलाई समेत राखेर कार्यकारी निर्देशक छनौट गरिने जानकारी ऊर्जाका एक अधिकारीले दिए ।
यसअघि प्राधिकरणका पूर्वकार्यकारी निर्देशक उत्तमकुमार श्रेष्ठ निमित्त कार्यकारी निर्देशक रामेश्वर यादव आयल निगमका कार्यकारी निर्देशक दिगम्बर झा उदयपुर सिमेन्ट कारखानाका महाप्रबन्धक अनिलकुमार झा िसंचाइका सहसचिव कृष्णराज तिम_िल्सना मध्य मस्र्याङ्दी जलविद्युत् आयोजनाका प्रमुख सुनिलकुमार ढुंगेल प्राधिकरणका पूर्वसाचालक समिति सदस्य मुकेश काफ्ले प्राधिकरणका महाप्रबन्धक महेन्द्रलाल श्रेष्ठ ईश्वरीप्रसाद तिवारी जयलालिसंह कार्की डा। लक्ष्मीभक्त शिल्पकार मित्रमणि पोखरेल र मोहनकृष्ण उप्रेती छन् ।
सरकारले पूर्व प्रमुख आयुक्त संयोजक र बुद्ध एअरका प्रबन्ध निर्देशक वीरेन्द्रबहादुर बस्नेत र विद्युत् प्राधिकरण पूर्व अधिकारी आत्मकृष्ण श्रेष्ठ रहेको छानबिन समिति गठन गरेको छ । समितिले २० जनाको प्रस्ताव अध्ययन गरी ५ जनाको नाम सर्ट लिस्टिङ गर्ने र उनीहरुलाई ुपि्रजेन्टेसनु गर्न लगाई एक जना योग्य र अर्को वैकल्पिक उम्मेदवार पेस गर्ने जानकारी ऊर्जा मन्त्रालयका अधिकारीले दिए ।