काठमाडौं, २४ पुस– प्रमुख प्रतिपक्षी कांग्रेसकी सांसद डा डिला संग्र्रौलाले सार्वजनिक यातायातलाई सुरक्षित बनाउने व्यवस्था गर्न माग गर्दै संघीय संसदमा जरुरी सार्वजनिक महत्वको प्रस्ताव दर्ता गराएकी छन् । सडक सुरक्षासम्बन्धी प्रस्तावको समर्थकमा कांग्रेससका सांसदद्वय सञ्जयकुमार गौतम र रंगमती शाही छन् ।
प्रस्तावमा सडक र यात्रालाई सुरक्षित बनाउन, यातायातका वाहनलाई सुरक्षित बनाउन, आवश्यक ज्ञान, शिक्षा र सचेतना प्रदान गरेर सडक प्रयोगकर्तालाई सुरक्षित पार्न र दुर्घटनापश्चातको उद्धार र उपचारको व्यवस्थापन गर्नुपर्ने माग प्रस्तावमा गरिएको छ ।
प्रस्तावमा राष्ट्रसंघीय दिगो विकास लक्ष्यले तोकेको सडकजन्य दुर्घटना न्यूनीकरण गर्न, सरकारले तयार गरेको राष्ट्रिय सडक सुरक्षा कार्ययोजनाअनुरूप सम्बन्धित सबै पक्षको जिम्मेवारी र जवाफदेही तय गरी नेपालका सडक यात्रु र सर्वसाधारणका लागि सुरक्षित तुल्याउनका लागि आवश्यक छलफल र निर्णय गर्न माग गरिएको छ ।
No comments:
Post a Comment