काठमाडौं, १० माघ– सरकारले सातदोबाटो–रत्नपार्क–नारायणगोपाल चोक जोडने १२ किलोमिटर लामो मेट्रो रेल मार्ग निर्माण गर्ने भएको छ । भौतिक पूर्वाधार तथा यातायात व्यवस्था मन्त्रालय मातहतको रेल विभागले उक्त मेट्रो रेल मार्ग निर्माण गर्न विस्तृत परियोजना प्रतिवेदन (डीपीआर) तयार पार्न बिहीबार विश्वव्यापी बोलपत्र आह्वान गरेको छ ।
उक्त रेलमार्गको पूर्वसम्भाव्यता अध्ययन भइसकेको छ । पूर्वसम्भाव्यता अध्ययन प्रतिवेदनका आधारमा विस्तृत परियोजना प्रतिवेदन तयार पार्न विश्वव्यापी बोलपत्र आह्वान गरिएको जानकारी विभाग स्रोतले दिएको छ । आर्थिक तथा प्राविधिक प्रस्तावमा योग्य कम्पनीलाई छनोट गरी डीपीआर तयार गर्न जिम्मा दिइनेछ । छनोट भएका कम्पनीले मेट्रो रेलको विस्तृत सर्वेक्षण, ढाँचा र डीपीआर बनाउने छ ।
No comments:
Post a Comment