लोकतन्त्र सेनानी रावलको निधन

काठमाडौं, ३ माघ– लोकतन्त्र सेनानी गणेशशरण रावलको निधन भएको छ । लोकतन्त्र सेनानी रावलको ललितपुरको धापाखेलस्थित आफ्नै निवासमा ९० वर्षको उमेरमा निधन भएको हो । स्वर्गीय रावलको पत्नी, दुई छोरा र एक छोरी छन् ।

कांग्रेसको तत्कालीन मुक्ति सेनाका सदस्य रावल २००७ कात्तिक २६ गते मध्यरातमा वीरगञ्जबाट सुरु भएको सशस्त्र संघर्षमा सहभागी भएका थिए । उक्त सशस्त्र संघर्षको नेतृत्व थीरबम मल्लको नेतृत्वमा सो सङ्घर्षको शुरुआत भएको थियो ।

कांग्रेस केन्द्रीय कार्यालयले रावलको निधनप्रति गहिरो दुःख व्यक्त गर्दै शोकसन्तप्त परिवारजनप्रति समवेदना प्रकट गरेको छ । कांग्रेसद्वारा बिहीबार जारी विज्ञप्तिमा रावलले लोकतान्त्रिक आन्दोलन र कांग्रेसको संगठन निर्माणमा पु¥याएको योगदानको स्मरण गरेको छ ।