प्रस्तावित पाँचै जना राजदूतविरुद्ध उजुरी परेन

काठमाडौं, ३० पुस– संघीय संसदको सुनुवाई समितिमा प्रस्तावित पाँचै जना राजदूतविरुद्ध एउटा पनि उजुरी परेन । मन्त्रिपरिषदले परराष्ट्र मन्त्रालयका सहसचिवहरू दीपक अधिकारीलाई फ्रान्स, दुर्गाप्रसाद भण्डारीलाई कुवेत, भृगु ढुंगानालाई क्यानडा, मणिप्रसाद भट्टराईलाई जेनेभास्थित संयुक्त राष्ट्रसंघीय नियोगको स्थायी प्रतिनिधि र गणेशप्रसाद ढकाललाई थाइल्याण्डका लागि राजदूत नियुक्त गर्न सिफारिस गरी सुनुवाइका लागि संसद सचिवालयमा पठाएको थियो ।

सुनुवाइ समितिले आइतबारसम्म दश दिनको समय दिएर उजुरी आह्वान गरे पनि पाँचै जनाविरुद्ध उजुरी नपरेको जानकारी सचिवालयले स्रोतले दिएको छ । पुस १८ मा बसेको समितिले प्रस्तावित राजदूतविरुद्ध उजुरी दिन आह्वान गरेको थियो । समितिको अब बस्ने बैठकले पाँचै जनालाई बोलाएर सुनुवाइ गर्नेछ । सुनुवाइको मिति भने तय हुन बा“की छ ।